كيف ممكن اعمل مجسم بركان ؟؟؟؟؟؟؟؟؟؟

اهلا يااختي ام حمزه
اذكر ان امي سوتها لي ايام الدراسه ..
اخذي خشبه كقاعده.. وثبتي عليها رول الكلينكس ( الكرتونه) وبعدين جيبي خيشه وغطسيها بالجبس (الجص) راح تصير ثقيله..لفيها على الرول وشكليها على شكل البركان..
وانتظريها تنشف .. (بس لاتنسين تخلين الحفره الموجوده بالروول .
وبعدين صبغيها باللون اللي تبينه.
واي استفسار انا حاضره :)

السلام عليكم..

عزيزتي.. أنا مرة سويت مجسم بركان باستخدام عجينة الورق اللي تجي جاهزة من المكتبات فقط تضيفين الماء وتخلطينه العجينة.. وضعت كرة صغيرة بلاستيكية على قاعدة كرتونية قوية وبدأت أضع العجينة حولها حتى اندفنت الكرة وأكملت الجبل وتركت فتحة صغيرة في القمة..

لونيه بعد ذلك بالبني الغامق ( ويمكن أن تضعي لون مع العجينة نفسها فتصبح بنية لا تحتاج إلى تلوين).. بعد ذلك أمسكت بعلبة اللون الأحمر وهي ألوان مائية سائلة وأخذت أضغط عند القمة فقط.. ثم يسيل اللون وكأنه الحمم البركانية.. وهكذا باللون البرتقالي أيضاً.. ويمكنك استخدام الفرشة ووضع خطوط حمراء بدل الطريقة الأولى .. لكن الطريقة الأولى تعطيك شكل أقرب للحقيقة..

أتمنى أكون أفدتك..

تحياتي..

مرحبا أختي
أنا سويت مجسم جبل من أوراق المجلات والجرايد + لصق حراري (المسدس) + لوح خشبي كقاعدة + اسبريه ألوان
والفكرة سهلة أنج تييبين أوراق المجلات وتعفسينها ( يعني تكرمشيها ) بإيدج
وبالمسدس الحراري راح تلصقيها على اللوح الخشب وتشكين الشكل العام مثل ما تبين
وعلى شان فوهة البركان ممكن تييبي علبة (البرينجوز الصغيرة ) وتستخدمينها أو
رول الكلينكس أو رول ورق الألمونيوم إلي نغلف فيه الأكل
وتثبتينها أول شيء باللصق وبعدين تحطين الورق من الأطراف بالشكل المناسب ولما يثبت الشكل عندج حطي على الورق لصق على شان تصير عندج بعض الأماكن ملساء
ومن تكرميش الورق راح تصير عندج مثل الصخور وبعدين ترشينها باللون إلي تبينه
وإن شاء الله أكون أفدتج وإذا تبين أي شيء أنا حاضرة

السلام عليكم ورحمة الله وبركاته
اخواتي العزيزات : -
قطرة ندى
آنسة مرتبة
أشلاء مبعثرة
افكار حلوه ومفيده
شكرا جزيلا لكنَ جميعا وجزاكم الله كل الخير

انا بالنسبه الى الفوران اعرف الطريقه وهي عباره عن خل وبيكربونات الصوديوم وصبغه حمراء .
بس كانت طريقة بناء المجسم مغلبيتني
شكرا .... شكرا

تحياتي
ام حمزه