كيف ناوين تستغلون وقت اجازة ابنائكم؟؟؟؟

السلام عليكم

انا طرحت موضوعي هنا حتى الكل يستفاد.........وتعرفون عاد داخلين عالاجازة الله يعيننا على تربيتهم

وأود منكن ان تطرحن تجاربكن أو ما لديكن حتى نستفيد من بعض

نفسي اعلم عيالي بنفسي واحفظهم القران (هم حافظين من جزء عم)ليس كاملا ولكن اكثر السور ولله الحمد وعلما انهم صغار اعمارهم 5 و6سنوات
واحس نفسي ضايعة بينهم وخصوصا كل ما حاولت اني اعلمهم اي شيء ما يجلسون عدل يعني اكثر الاوقات يتهربون.........فاي وحدة تستطيع ان تفيدنا ...........بسرعة تعطيني الحل...

(((داخلين عالاجازة))):hahaha: لا تقولون لي دخليهم مراكز او هذه الاماكن لان بعدهم صغار والمنطقة اللي انا فيها هالاشياء بعيدة عني:(

ابغي مثل الجدول ..........كيف انظم فيه وقتهم او تجاربكم وراح اشوف اللي يناسبني واطبقة ان شاء الله معاهم

مثلا متى يكون وقت لحفظ القران والحديث...... وقت التلوين ......والواجبات (الكتب اللي بالمكتبة) او نسخ قصص قصيرة عشان ما ينسون اللي اخذوه بالمدرسة ومنها يتحسن خطهم......ووقت مشاهدة الرسوم المتحركة.......والتشكيل بالصلصال....... واللي عندها نشاطات اخرى ارجو الاضافة.........

والله احس نفسي ضايعة.....علما باني انام بعد ذهابهم للمدرسة وقت الضحى الى 10:30 أو 11:00
والله غصبا علي نوم الحمل يخدرني :hahaha: فمتى اقدر استغل وقتهم.......

وتعرفون الاطفال ماشاء الله عليهم نشيطين عادي يصحون من الساعة 6:30 أو 7:30 (معاناة اول اسبوع بعد الاجازة):eek: فيقضون كل هذا الوقت باللعب لين اقوم من النوم يعنى لما يكونون موجودين اقوم على حدود 10
فكيف ممكن افهمهم ان يستغلون وقتهم خلال هذه الفترة(الاعتماد على النفس):30:

خصوصا اني بكون على وجه ولادة وما لي خلق يضيع وقتهم عالفاضي عالاقل شيء يشغلهم

ساعدوني بافكاركم المبدعة اللتي لا نستغني عنها...........وأتمنى التعاون من الجميع........:42: بكون شاكرة لكم

جزاكم الله خير