كيف نتصدق على العمال في الشوارع ؟؟

بارك الله فيكي الله يسعدك وربي يوفقك

رفع رفع الله يوفقك

جميل إحساسك بالغير وتفكيرك بهم ,وتوزيع البيجامات والقفاز وأيضا النقود تفيد جدا لكن للمعلوميه العماله الباكستانيه هي الأعلى أجرا من بين كل العماله وغالبيتهم مستأجرين المحلات من كفلائهم ,مو شرط عدم لبسهم لبس شتوي أن ماعندهم لبس ,البعض يتضايق من اللبس الثقيل وأنا منهم ,لو رغبتي بالصدقه فعلا على عماله محتاجه فهم عمال النظافه بالمستشفيات والشركات فرواتبهم جدا قليله ,وأيضا عمال البلديه وأيضا لما تذهبين للبر يوجد عماله بعيدين عن العمران مثل الرعاه وحراس المخيمات هؤولاء أيضا رواتبهم قليله وبعيده عنهم الأسواق والمحلات .

الحمد لله اني اسوي هالشي من نفسي ومنذ مبطي بالصيف ولدي يوزع عليهم عصير بارد وبسكوتات
وبالشتا مشرب ساخن ترمس شاهي بحليب وزوجي مره اعطا عامل حق
تنظيف الشوارع كيس فيه لبس شتوي
ودفايه صغيره

جزاكي الله خيرا هاجر ..كلامك مؤثر ...

وجزاكي الله خيرا صاحبة الموضوع ولاحرمك ربي أجر ماكتبتي..
انا مااطلع كثير ...فاذا طلعنا نتمشى أخذ معااي دلة شااي وكل ماشفت عامل اعطييه كاسة شااي....
والايام العاديه مبلغ ..
ونصيحه اي مكان تشتروا منه خاصه المطاعم ...وانتم طالعين اطلبوا نفر رز ونص قطعة دجاج
او اي شئ بسيط يفرح اي عامل نظافه ...ياكثر ماينظفون قدام المطاعم ويقعدون يشموون ريحة هالاكل وموقادرين او اي عامل نظافه عند الاشارات