كيف نتصرف؟

السلام عليكم ورحمة الله
كيفكم ياحوائيات يارائعات
اليوم بفضض لكم شوي وياليت الي عندها اي مشوره لا تبخل عليه
الحمد لله اولا واخيرا من الله علينا بعد سنوات وقدرنا نشتري ارض وبهاذي المناسبه حابه اقولكم على شئ مهم ترى ربي اذا اراد يمن على عبده يسرله امره من حيث لايحتسب والله كانت شغله لا على البال ولا على الخاطر والحمد لله من قبل ومن بعد اهم شئ تكون علاقتك مع الله تمام وتراعينه في كل امورك وتبذلين في سبيل ذالك كل جهدك ومارح تشوفين الا الي يسرك دنيا واخره ان شاء الله
ارجع لموضوعي الحمد لله طلع اسم زوجي في قروض صندوق التميه العقاري بس الصندوق ما يعطي المبلغ كامل دفعه وحده يقسطه على دفعات تخيلوا الدفعه الاولى 30000 الف بس والدفعه الثانيه لما يخلص البناء عظم على قولتهم طيب من فين نجيب احنا باقي الفلوس لحد مانخلصه عظم علما انه مافيه لنا دخل الا راتب زوجي وعائلتنا كبيره ومعتمده بعد الله على الراتب الي ما يجي اخر الشهر الا هوه بح
لاتقلولي سلفه من البنوك لانه محنا مرتاحين لها فيها الشغله ربا واضح والا كيف اخذ 400000 الف ورجعها500000 الف يعني زيادة 100000 الف على القرض حتى لو قلتوا فيها فتوى برضه اتقوا الشبهات
المقاول قلناله ياخذ فلوس البنك العقاري ونعطيه مبلغ شهري رفض يقول لازم تزيدوني 200000 الف علشان الشغل ما يوقف ومافي احد من قرايبنا ممكن نستلف منه هذا المبلغ ولو فيه محد يسلف احد ذي الايام مبالغ كبيره ويصبر عليه :44:
معليش صدعت روسكم بكلامي الكثير بس حبيت افضفض لاحد
بنات الله يخليكم الي تدخل موضوعي اذا ماتبغى ترد براحتها بس على الاقل لاتنسانا من دعوه بظهر الغيب لعل الله يتقبل وتنفك الازمه لاني خايفه قرض البنك العقاري يروح علينا وحنا انتظرناه اكثر من 15 سنه

الف شكر لكم ولاتنسونا من خالص دعائكم.................اختكم فجر