كيف نتعامل مع سرقة الزوج

بنات منتداي الرائع
فضفضة وستشاره ربي يسعدكن وبقولكن الي صار بتفصيل وبوضوح عشان ماحط في ذمتي شي او اظلم احد وماستغني عن بعض النصائح
قبل 10 سنوات ورثت من والدي مايقارب 300 الف ريال
فكرت في مشروع قالي زوجي على مطعم بالأخير اقتنعت وخترنا الموقع
...
اول مافتحته كان يدر علي ذهب والأمور تمام التمام ودخل المطعم شهريا 110 الى 120 وفي الاجازات يصل 150
.
الاجار مع رواتب العمال مع مستلزمات المطعم قريب 70 الف ، الاجار شهريا 10 ورواتب 22 و 1000 كهرباء ومويا و37 مستلزمات المطعم
..
وكان شهريا يصفي الحمد لله بالميت 30 والمعقول واكثر شي بل50 والعالي من 60 الى 80
وكان فيه محاسب باكستاني وكنت اتصل عليه ودقق وسأله وكان امين وزوجي ماهو مرتاح له يحاول يطلع عليه اي شي حتى تسبب له بمشكله وعطاه خروج وجاء مره قالي البلديه رافضه تجدد الرخصة إلا بعد توظيف موظف سعودي واحد على الأقل ووظف اخوه محاسب وياخذ راتب 4000 ريال ومن يوم تولى اخوه المطعم وانا ماشفت خير صارله سنه وحنا في انتكاسة حتى الفواتير الي سويت ماتنفع صار المطعم يطلع 80 وحيانا 75 وكلها رواتب ومستلزمات والصافي من 10 إلى 15
..
قلت له طلع اخوك قال ايش ذنب اخوي اقبال مافيه زي اول
قلت خلاص خله هو يأمن اغراض وبكلم اخوي يجي محاسب بشوف الشهر هذا هو التف وجهه ومايبغى اخوي ياصل المطعم قال هذي النهاية تشكين وانا الي دلك على مشروعك وانا وقفت معك وانا وانا قلت ماشكيت ولا شي بس خل اخوي يحاسب انت من اول ماسويت خروج للبكستاني وانا في خساير
.
خليت اخوي يمسك محاسب الشهر هذا ويوميا يجيني بعد تقفيل المطعم ويسلم المبالغ وطلع فيه فرق كبير بعد المراجعه والجرد وبدا يرجع لوضعه ودخله زي ايام ماكان في المحاسب البكستاني
1-الي ابغى اصله الان من كان يسرقني زوجي او اخوه وإذا كان اخو زوجي يعني زوجي مابيدري ولا زوجي ياخذ الفلوس واخوه مايقدر عليه
2_ مدري اتكلم اشتكي اسكت
3- اخوي ماهو بفاضي حق المطعم وهو موظف وانا طالبته يجلس هالشهر لأني اثق فيه بس عشان يكشف لي الخلل من وين واخذ إجازه من عمله وساعدني
3- مين باثق فيه وحطه محاسب ويخاف الله وكيف ابعد زوجي من المطعم نهائي
4- زوجي كان يتضايق إذا جاء اخوي يسلمني المبلغ . وحيانا يقول ماشاءالله اشوف واجد الزباين عند المطعم اليومين هذي محاولة لتغطية السرقه ولا ايش
5_ المسروق خلال سنه بعد مراجعته ياصل من 500 الف الى 700 الف
مادري كيف اتصرف معاه هذا وهو ابو عيالي وكنت اثق فيه حتى البيت بيتي والمصاريف 90 بالميه علي
راسي صدع من كثر التفكير كيف اواجهه والغي الوكاله قبل لايصير شي أكبر
انتظره بكره ياصل من السفر واطلبه حقي او اهدده بشكوى ضد اخوه ويحلف شرعا وممكن يخاف ان اخوه يورطه ويعترف عليه مادري كيف اتصرف مقهوره