هلا والله وغلا بالجميع ... مبارك عليكم الشهر الكريم ... يااااااه جالسه اتذكر ايم ما كنا نقول نصوووم ولا ما نصوم ؟؟ نتبع الاسنه ولا السعوديه ؟؟

يالله عقبال الجميع ان شاء الله ...

بالنسبه للمدارس ... خلينى اقول لك عن تجربتى ... ويمكن تختلف عنك شوى لان اولادى اكبر سنا... ولهم 8 سنوات في الغربه ... لكن من رجعنا وحنا نفكر في المدارس العربيه الاجنبيه ... وشفنا الرواد ... والمنارات ... بس كان المنهج العربى في هذى المدارس ضعييف ... يعنى المواد العربيه كلها مجموعه في كتاب واحد ... بس اكيد العيال ماكانوا بيتعبون ابدا مثل الحين ... لان ابوهم قرر انهم يدخلون مدارس اهليه عاديه ... وليست اجنبيه ... فدخلنهم مدارس ممتازه وقويه في الرياض ... وانا الحين والله تعبانه معهم شوى في الدراسه ... بس ايضا المدرسين متفهمين للوضع وعارفين انهم قضوا فتره في امريكا ...

اما عن النظام في المدارس السعوديه واختلافه عن المدارس الامريكيه من ناحيه الدوام المدرسى ... ونظام الدراسه ... فهذا لا مفر منه ...

هذى تجربه مغتربه قصيره .. وهونى عليك ... كلها اشهر في البدايه ويتعودون

موفقين ان شاء الله

وعليكم السلام ورحمة الله وبركاته
الله يحييك ويبقيك اختي دريم
ومبروك الرجعه لارض الوطن الله يوصلكم بالسلامه

وعقبالنا وعقبال جميع المغتربين

ماادري عن مستوى عيالك في حفظ القران ؟؟
اذا مستواهم في الحفظ نفس مستوى مدارس التحفيظ بالسعوديه او اقل بشي بسيط اتوقع يقبلونهم

اما كيف تهيئين عيالك لمدارسنا فالله يعينك
اكيد بينصدمون باول الامر وبعدين يتقبلون الوضع


الله يعينكم ويسهل لهم مااستعسر عليكم من اموركم

وكل عام وانتي بصحه وسلام:26:

***************
الغربه كربه
ياهلا والله ومرحبا حيا الله من جانا
والشهر مبارك وكل عام وانتي بصحه وسلام
وابشرك نبي نصوم حنا باذن الله بكر

ياحبيلك كثري تكفين من طلاتك علينا :26:


سلالالالالالالام

هلا اختي maui انا رديت على موضوعك وان شاء الله باقي البنات يردون عليك :26: :27:

اختي الغربه كربه اشكرك على مشاركتك معنا وتذكرك الهموم والغربه والله يوفق عيالك ويخليك لهم :26:

هلا اختي عائشة واشكرك على مرورك بموضوعي كما اشكرك على دعواتك وعقبالكم يارب العالمين
اما مستوى اطفالي فهو عادي جدا واقل من عادي الكبيرة لازالت تحفظ في منهج القرآن الكريم الخاص بالصف الاول وعمرها في الثمان سنوات انا ما اعتقد انهم بيوافقون عليهم باحاول في المدارس الاهليه وفي الصيف باركز على التحفيظ على الاقل لكي يكونون مع نفس الي بعمرهم والله كريم :26: