زي ما كلنا عارفين، في ناس كتير بتحب تدهن لون الحيطة بلون جديد عشان تدي لبيتها لمسة جمالية وشكل جديد ومميز. في الحقيقة ان الموضوع ده مش دايما بيكون تنفيذه سهل لأنك ممكن تختاري لون من ألوانك المفضلة وأول ما تدهني بيه الحيطة تلاقيه مش ماشي مع ديكور البيت.فبالتالي هتحتاجي وقت عشان تفكري وتختاري لون مناسب مع ديكور وأرضية بيتك .
كمان ممكن برضه تستعيني بفني صباغ –نقاش شاطر– يساعدك على اختيار الألوان المناسبة لمنزلك .
ولأننا عارفين ان في ناس كتير بتكون محتارة في اختيار الألوان المناسبة لبيتها فبتختار ألوان مش مناسبة لغرفة المعيشة وغرف النوم والمطبخ، حبينا نوفر عليكي الوقت والمجهود الضايع ونقدملك شوية نصايح تساعدك في اختيار الألوان المناسبة لبيتك.قواعد اختيار لون الحيطة المناسب
- اختيار اللون المناسب للحيطة بيعتمد على مساحة المكان!يعني مثلا لو كانت الأوضة واسعة، الألوان الغامقة هتكون الأنسب ليها، وممكن تستخدمي درجات فاتحة بس بنسب قليلة ولو أوضة، ركزي دايما على الالوان الفاتحة عشان دة بيديها وسع وبيخلي شكلها أكبر.
- وانتي بتختاري اللون، احرصي انك تحطيه على خلفية سوداء عشان يسهل عليكي المقارنة بينه وبين ألوان الديكور والأثاث.
- استخدمي برنامج مستشار الألوان لأنه هيسهل عليكي عملية اختيار اللون وفي أقصر وقت ممكن لأنه بيحتوي على أكتر من 16 ألف لون وبكدة هتوفر وقت ومجهود وفلوس كمان!
- طبقي قاعدة 60- 10-30: يعني اختاري لون أساسي بنسبة 60% ولون ثانوي بنسبة 30% ولون أخير معروف ب accent colors بنسبة 10% وعادة بتكون الألوان دي ألوان مشرقة زي الأصفر والأحمر.