كيف نختار الزوج .. إذا ماشي نصيب ؟

السلام عليكم

حبيت أطرح عليكم .. صديقتي في حيرة !!

أكيد وايد قريتوا عن مواضيع العنوسة ... أحيانا البنت اتم ترفض أي شخص يتقدم لها

بحجة الدراسة أو العمل ... وبعدين اتعنس ! والبعض ما إيها نصيب بالمره .. يعني محد اتقدم لها

وفي اللي إيها الحظ مره .. والخطيب مش على نفس المستوى الاجتماعي أو إنه فعلا

ما يناسبها .. او صلت استخاره وماصار ... ومن بعدها محد يخطبها ... وبعدين نلوم الاهل او انفسنا

في من العانسات .. يقولون بنوافق على أي شخص يتقدم لنا .. خلنا نشووف عيالنا ..

وكل وحده لها وجهة نظر ..

صديقتي عمرها 30 سنة .. موظفة ... على خلق ... مقبولة الشكل ...

لكن ما ياها النصيب ... فكان اقتراح اختها ... تزويجها من صديق الزوج ...

وهذا الصديق مش متعلم ... يعني عنده الشهادة الابتدائية ... لكن حالته المادية ممتازة ...

وحياته كلها سفر ويتنقل من إمارة لأخرى ... مادري إن اتزوج راح يستقر !

صديقتي رافضه الفكره .. بالرغم إنه الريال ماعنده فكره ... يعني بس باجي يكلمونه ..

وممكن هو كذلك رافض فكرة الزواج .. بحجة الراحة .. او إنه لو انعرضت عليه الفكره

يقبل ... لكن هي في حيره من أمرها .. أحيانا تقول أريد اتزوج .... لكن متخوفه من هذا الزواج

إنه حد كلم الريال .....

هل التعليم مهم بالنسبة له .. حتى لو حالته المادية ممتازة ... ؟؟؟ شو المعيار للزواج ؟؟