كيف نختار تصاميم بيوتنا

موضوع مفيد وبما اني بديت في بناء بيت العمر اسأل الله ان يتمم علينا وعلى كل خواتي
اهم شي شوفي عدد افراد اسرتك ..
ضيوفك اذا انتي من النوع اللي يعزم وضيوفك كثار عشان تشوفين مجالس الضيوف شكثر يكفيهم ..
انا عن نفسي عدد افراد اسرتي 5
لكن ضيوفي راح يكونون كثار اهلي اخواني وحريمهم .. صديقاتي .. اهل زوجي ..بسم الله عليهم كثار لذلك خليت البيت الدور الاول مجالس ضيوف وصالات ومجلس عايله ومطبخ
والدور اللي فوق غرف نوم نطام غرفتين مع دورة مياه ..وغرفة نوم مع دورة مياه بحالة وجود ضيف ..
اي والاهم غرفة مجلس الضيوف خليتها ع طووول يسار مدخل الفيلا عشان لا يتشرفون على داخل البيت وكبرتها 6 * 6

لي عوده بإذن الله اذا تذكرت شي ..

اولاانا دوبي امس كنت افكر اطرح هالموضوع
عندي شوي نصائح
1سوي جنب درج مدخل الحريم مكان للعربيات زي الي يحطوه للحالات الخاصه ال هي طلعه صغير للعربيات مثلاعربيه لاغراض البيت تحطي عليها اغراض المطبخ توصليها له بسهوله بد شيل الاكياس
كمان لما يجيك احد كبير عنده كرسي اعاقه او مايقدر يطلع الدرج مرررره بتفيدك
2اذاكان المطبخ جنب المقلط افتحي شباك صغير بشكل مرتب مرررررره يسهل عليك في التحضير يعني بس تناولي الي قدامك بدل المشوار الي بياخرك
3خلي غرفة الملابس منعزله عن غرفة النوم
واذا تذكرت شي رجعت لكم

بما ان ضيوفي قليل ومساحة بيتي قليله فخليت محلس الرجال والنساء واحد.. وطبعا مقلط...وممكن لو انزنقت استعمل الصالة..بس غير خاصة للضيوف..

الباقي خليته لي ولعيالي كل غرفة بحمامها...صح صغيرة مساحاتها على قد الارض لكن ان شاء الله توفي....

بيتي اللي قبله كان مجالس عالفاضي ..