كيف نرد فلوسنا منهم...الله يفرجها عليها اللي تنورني

السلام عليكم ورحمة الله وبركاته..عزيزاتي علام حواء

باكتب لكم هالمشكلة وأنا واثقه انكم بتعطوني الحل
أختي الصغيره راح تتزوج ****لله في الأجازه وخبركم تفر في الأسواق والكوش والأستديوات....
المهم هي كانت راح تصور يوم زواجها وحجزت عند مركز نسائي المصوره وعطتها عربون 900 من أصل 3000
عجله الله يصلحها وهي صغيره ماتعرف هالأمور
المهم.....
بعدين زوجها قالها أنا ماأبيك تصورين نهائيا....
أختي توهقت ...كلمت المصوره قالتلها مانرجعلك فلوسك ...
جتها أول مره مع الوالده الله يطول بعمرها ورفضت وعلت صوتها وقالت ماأقدر
جيتها انا وأختي اللي أكبر مني والعروس بالطيب رفضت وأختي الكبيره أرمله كانت قد جتها قبل تحاول معها ورفضت شرحنا لها الظروف ....مالكم بالطويله
علو أصواتهم (( خذوهم بالصوت)) ويقولون نحولكم على المشغل وأستفيدو من المبلغ عندهم...
لكن والله يابنات الثقه أنعدمت وشلون نجي مشغلهم وهم وقحين لأبعد الحدود ....
قلنا انتم ماكتبتم وصل أو فاتوره وعليها توقيع الطرفين ويكون مكتوب في الفاتوره العربون لا يرد...معطين أختي ورقه مطبوعه مدبسينها في الكرت تبعهم وكاتبين كذا على ظهر الكرت 900 من أصل 3000

قالوا هذي ورقة حجز
قلت هذي ماتعتبر ورقه ملزمه وأجباريه قالو نقدر ننكر أن أحنا ماأخذنا منكم شي
المهم قام أخوي دق الجرس عليهم وقالو احنا مانكلم الرجال ونقدر نقاضيكم ونشتكي عليكم ... وكلمت أخوي وقلت أرجع للسياره....
وقلت خلاص بجيب عسكري ... قالو بكل وقاحه أحنا نجيب أثنين
صراحه انا من النوع الهادي وماأحب الصراخ والهواش اما أختي الكبيره دمها حار ماأستحملت وقاحتهم وقامت ترد عليهم وتقول رجعوا فلوسنا
وقعدوا يتطنزون وحده منهم تقول والله لو انها تسع الاف اتصدق عليكم والثانيه المصوره نفسها تهاوشت مع أختي الكبيره وتقوللها من عذرك زوجك توفى (أستغفر الله) وأختي زوجها متوفي بحادث
ولا هي نفسها تقول عمي يشتغل مع الأمير ومدري وشو
المهم طردونا من المشغل وقالوا فلوسكم مانرجعها وتبون تسون فيها شي ثاني معليه لكن خلاص بعد كل اللي صار مستحيل نتعامل معاهم
والله مقهوره ماعرفنا وش نسوي خفنا نوقف دوريه ويوصل الخبر حق خواني الكبار وتصير سالفه

مااااااادري محتاره وش أسوي ومقهوره
دلوني
واللي عندهم خبره أو خلفيه يفيدني الله يجزاكم خير