كيف نستقبل العام الجديد ونحقق أهدافنا 🌹

السلام عليكم ورحمه الله وبركاته
أهلين حبيباتي أن شاءالله الكل بخير
للاسف الاب الفتره هذه خربان وماقدر اضيف صور
مادري وين مكان الموضوع فقررت أنزلت هنا
ماباقي كم يوم على بدايه السنه الجديده
والله يجعلها سنه خير وبركه
حبيت أتكلم عن نظامي قبل بدايه كل سنه
وكيف ماشاءالله أقدر أحقق كل أهدافي بخلال السنه وحده
أول شئ أجهز دفتر وقلم
أكتب أهدافي للسنه
مثل
أنحف كم كيلو أو أسمن كم كيلو
أصير مثقفه
أتعلم الانجليزي او اي لغه ثانيه
أعالج بشرتي شعري
الخ من الاهداف الكثيره
وبعدها أكتب لسته عادات سيئه فيني
كتبت لسته السنه لاتقولين مستحيل و و و
أكتبي كل شي تبينه
طبعاً الحين تقولون وكتبناها وش يبي يصير نشوفها اسبوع ونستسلم
أدري وكنت مثلكم أكثر علي الاهداف وأخرتها أترك كل شي ولااحقق ولاهدف
فسويت طريقه حلوه وسميتها
عاده سيئه وعاده حسنه
وش العاده هذه تمسكين كل شهر عاده سيئه وعاده جيده
الطريقه هذه حلوه للناس الملوله وتبي تحقق أهداف وسهله
مثلاً الشهر هذا ببداء بصفه سيئه اللي هي ترك الغازيات
والصفه الجيده اللي بضيفها شرب لترين مويه
الشهر بقسمه اربعه
أول أسبوع
شرب مثلاً ثلاثه مويه
ومدامني مدمنه غازيات بشربه يوم اي ويوم لا
الاسبوع الثاني
اربعه أكواب مويه
يوم أشرب غازيات ويومين لا
الاسبوع الثالث
خمسه أكواب مويه
يوم أشرب غازيات وثلاث ايام لا
الاسبوع الرابع
سته أكواب مويه
يوم اشرب غازيات وأربعه لا
وكذا لين تثبت فيك العاده الحلوه وتتخلصين من العاده السيئه
وبعدها تبدين تاخذين غيرهم صفه جيده وصفه سيئه
ماتجي نهايه السنه الا أنتي متخلصه من عادات سيئه لعادات جيده وصحيه بإذان الله
أن شاءالله فهتوا علي وعجبتكم الفكره
وأذا حابين شرح اوضح بشرحها خلال اليومين بالسناب بإذان الله