كثير مننا جالس بالبيت لاشغل ولا مشغله
ننتظر هالوظيفه .. وهالوظيفه عيت تجي
وجداره وحافز والخدمه المدنيه خلونا نردد ياليل ماطولك
كثير منا يمتلك موهبه .. والبعض نما هالموهبه
وصارت مصدر دخل لها
وكثير منا يمتلك موهبه ومو عارفه كيف تنميها مثلي وشرواي
انا اعشق الرسم من زمان .. وكانت حصة الفنية من اجمل الحصص
تخرجت من الثانويه ودخلت كلية الدمام
وللأسف مافي قسم للفنون الجميله .. فسجلت باحدى الاقسام
تخرجت من الكليه ولازلت اعشق الرسم بما فيها الديكور والاشغال اليدويه
عمري اصبح الان 26 سنه
والى هالوقت ماطورت موهبتي
للاسف ماعندنا بالخبر والدمام معاهد لتنمية المواهب
بحثت .. ومافي فايده
في الصيفية يعملون دورات .. بس بالصيف اكون مسافره
حاولت اطور من نفسي بنفسي بس مكانك سر
لاني احتاج دخول معهد لتعلم طرق الرسم وقواعده
خصوصا اني احب الرسم بانواعه من فحم ورصاص والوان زيتيه واكريلك
ما اعرف ارسم رسم من خيالي
اعرف احط الرسمه قدامي واطبقها
هذي بعض من رسوماتي وعندي غيرها كثير
هذي ورده رسمتها ..لقيت ورده عجبتني بمجله ورسمتها
ومره لقيت بالنت عنب وعجبني ورسمتها
ومره لقيت فانوس عند جدتي بالجنوب ورسمته بس ماكملتها
مثل ماشفتم .. رسوماتي عاديه ومو ذاك الزود ويمكن خايسه بعد
بس اعشق الرسم ونفسي اطورها وانميها لصالحي
مو بس الرسم
مثل ماذكرت لكم .. اعشق الديكور والاشغال اليدويه >> وقرابعي اكبر دليل
في يوم من الايام استغليت سفر امي
ورحت لوحده من الجدار وحطيت في اطواب سويتها بنفسي
باقي مالونتها .. راح الونها قريب بس انتظر ابوي يصبغ الجدران
علشان مايروح تعبي بلوشي
امي يوم شافتها عصبت
بس يوم شافتها صديقة امي انبهرت فيها وماصدقت اني سويتها بنفسي
خصوصا ان اختها جابت عامل علشان يسوي لها مثلها بألف وخمس ميه
ومافي فرق بين شغلي والشغل اللي ببيت اختها
يوم قالت لامي .. امي هدت .. وكانها بدات تعجبها
اكيد بتعجبها .. سويتها لها ببلاش :)
بس مثل ماقلت لكم ناقصني الونها
الحين بنات
شلون نقدر ننمي موهبتنا ونخليها مصدر رزق لنا حتى تجي هالوظيفه :icon33:
اذا عندكم تجارب قولوها لنا
واللي عندها موهبه تذكرها يمكن نقدر نفيدها
واللي تعرف مكان بالخبر او الدمام يعلمني على الرسم ويطورها لي تخبرني
الوظيفه ماراح تجي بالسنع
ما نبغى العمر يمر بدون ما نستفيد منه لشي بصالحنا
كثير استغلوا مواهبهم لصالحهم وهذا هم ماشاء الله تجار
يمكن بعضكم يقول ماعندي موهبه .. مع ان عندها موهبه بس موعارفه
في يوم من الايام كنت اتابع برنامج شقتنا على قناة بدايه
وكان احد المشتركين حط كم فكره للاخوات كيف يكون عندهم مدخل رزق
راح اذكر اللي قاله
اول فكره قالها
تاخذين ارقام كوفيرات ودقاقات ومحلات ديجي ..وخل نحط مثال دقاقات
وعبيها عندك بدفتر ارقامهم واماكنهم واسعارهم
اعلني انك مسوقه لدقاقات او كوفيرات
واذا جاك اتصال من وحده تبغى طقاقه بالمكان الفلاني
فالنفرض ان الطقاقه تاخذ على الليله 8 الاف
قولي للمتصله قيمتها 8 وميتين ريال >> الميتين عمولتك
وقولي لها ترسلك العربون والميتين على حسابك
واتصلي على الطقاقه واحجزي الموعد وارسلي لها عربونها
وقولي لها ان بقية المبلغ راح تسلمه صاحبة الطلب للطقاقه بالحفله
يبقى الميتين هذي عمولتك ولك ... وهكذا
فكره حلوه صح
---------------------
الفكره الثانيه
اشتري لك دي جي مع اشرطه اسلاميه
وسوقي لنفسك ان عندك دي جي اسلامي واجريه بمبلغ كذا >> بس خليك ارخص من سعر المحلات علشان تكسبين زباين
وتعلمي على تشغيله .. واللي راح تاخذه تكون عارفه كيف تشغله اذا ماتقدرين تروحين لنفس المكان
او انك من النوع اللي مايحب الطلعات الكثيره
فكره حلوه
---------------
فكره ثانيه
تشترين جهاز العروض التقديميه
هذي صورته >> ما اعرف اسمه
واجريه على مدارس او محلات تحفيظ قران او اي مكان بمبلغ معين
فكره حلوه صح
------------------------
اترك بقية الفضفضه لكم
شموا هالورده ورجعوها علشان غيركم يشمها ماعندي الا هي >> بخيله
:26:
بعدها غيرت محتوى الموضوع
وانقلب الموضوع حوسه
طلبت من الاداره حذف هذاك الموضوع
وهذاني نزلت الموضوع .. علشان اسال عن طريقة تنمية المواهب