كيف نظامكم يوم الجمعه....تبادل أفكار

السلام عليكم ورحمه الله



كل وحده تقول لنا وش نظام يوم الجمعه عندها سواء متزوجه او لا


متى تصحون ....الفطور....قراءه القران....التنظيف....الدراسه....الزيارات....وغيره





انا صراحه يوم كنت عند اهلي كان يوم مميز الكل يتروش قبل الظهر وسباق عشان الاجر..

وفطور بدري..

ريحه العوده بالبيت تعج..احيان قبل صلاه الجمعه رجال يجون عند ابوي سواء فطور او قهوه ويروحون المسجد سوا..

تنظيف قبل يجون اهلي من الصلاة وريحه العوده وكلنا نلبس مانلبس ارواب امي كانت تقول لا البسوا زين ونجهز القهوه ويجتمعون خواني على مايجهز الغداء..نتغدى


بعد العصر نقرا القران وباقي اليوم عادي


عند اهلي احسه يوم مميز وكل جمعه لازم كذا نفس النظام مايتغير


بعد ماتزوجت بالعكس ياخساره
في بيتي الاول كنت من عندي احطه يوم مميز انظف قبل صلاه الجمعه يجي من صلاه الجمعه كل شي نظيف ومرتب والبيت مبخر ونفطر اذا ماافطرنا قبل الصلاه واذا افطرنا قبلها يرجع بجريده ويقراها وينام ..العصر يروح الحراج احيان انا وجارتي نتقابل او اكون على النت او غيره

باختصار ممــــــــــــــــــــــــــــــــــــــــــــــــــــل صار



ببيتي الجديد صار يوم الجمعه للاسف يوم اقل من الايام العاديه يمكن الايام العاديه احسن




الله المستعان مافيه شي يشجع


نفسي اسوي نفس نظام اهلي مع اني اصحى من بدري احيان 10 10 ونص بس الشكوى لله الجو مايساعد



نبي تجاربكم