ضحكتيني يادنيا عطشانة صدقيني هي ما تسوي الا لمحبتها لهم محبة كبيرة والا كان ما هان عليها وسوت

لو تشوفين أمي يوم الأربعاء رسمي تسوي أشكال وألوان من حلى ومالح للتقديم كله علشان بيجي أخوي وزوجته

رغم أنها تعبانة جدا طبعا أنا متزوجة فإذا كنت موجودة أسوي معها بعض الأشياء

ومرت أخوي ماشاء الله ما تقصر تجيب معها نوعين ثلاثة من أكلاتها اللي مسويتها وما شاء الله تشيل وتحط في بيت أهلي كأنه بيتها

ماشاء الله اللهم بارك وأخوي يحبها لأنها قايمة فيه لأقصى حد الله يوفقهم ويسعدهم

أما أنا أحاول قد ما أقدر ما أصير رسمية مع أهل زوجي لو يصير شيصير أنا هذا طبعي وما راح أتنازل عنه

والله يوفق

سعدت بمروركم كثيرا يابنات حواء ...

وحده من حريمأخواني والله عسل كأنها أخت لنا والثانيه مطنشه علىالاخر ولا تسأل فينا أبدا ,,, وحنا طيبييييييييين حيل معها ولاعمرنا

تدخلنا فيها أبدا..

أنا من خلال طرحي للموضوع ودي نصل لنقطه....

ألا وهي الطريقه الامثل للتعامل مع مرة الولد بحيث أننا نكسب محبتها ومودتها وبنفس الوقت ماتنسى واجباتها تجاه أهل زوجها من

تقدير وأحترام وتوجيب ....وفي بعض الزوجات هداهن الله يحاولن أبعاد الزوج عن أهله

كأن تقوله " ليش كل شي عليك" ؟

"ليه ماتخلي أخوك الثاني هو اللي يودي ويجيب؟ "

"مو لازم تعطي أهلك مو قاصرهم شي"؟

"أختك سوت فيني كذا وأمك قالت لي كذا "

وهذا بهدف ابعاد الزوج عن أهله وغور صدره عليهم وهذا الشي الحمدلله ماشفناه في حياتنا بس الاحظ كثير ناس يشتكون أن عيالهم

تغيروا كثير بعد الزواج مايسألون عليهم ولا يهتمون فيهم مثل أول وأنا طبعا أضع هذه المسؤوليه على عاتق الزوجه لأنها لابد تذكر

زوجها بأهله

ولاتحاول تبعده عنهم لأسباب كثيره :

1_لأن ذلك يعتبر من السعي في قطيعة الرحم وحبينا محمد صلى الله عليه وسلم قال" لايدخل الجنه قاطع رحم "

2_ أن الله ممكن يبتلي الزوجه التي تسعى لأن تقطع بزوجها عن اهله بأولاد عاقين يفعلن زوجاتهم بها مافعلت بأهل زوجها والدنيا مثل

مايقولون "سلف ودين".

3_أعرف شخصيا ووالله قصة امرأه ابعدت زوجها عن والديه فأبتلاها الله بسبعة اولاد غير صالحين لايعملون عنها أي شي ولا يسألون

عنها أبدا "لله لايبلانا"وسمعت بأنها كانت دعوه عليها من أم زوجها بأن يحرمها الله من أولادها كما حرمتها من أبنها !!!!

4_لا تقول الزوجه "ماني بحاجتهم "وإلأ "الله يخلي لي زوجي وأهلي" وش لي بأهل زوجي وأقول لها الله لايقدر لو يحصل لزوجك شي

ماراح يوقف انتي وعيالك إلا أهل زوجك وأعرف أيضا قصة وحده لا مجال لذكرها الان علاقتها باهل زوجها مره سيئه وماتحبهم أبدا مع

أنهم طيبن أبعدت زوجها عن أهله وأبتعدت هي عنهم أبتلى الله زوجها بالخبيث وتوفي وبقيت هي وأولادها حائره لاتعلم أين تذهب فلا

فلا أهل لها ولاأهل زوجها يريدونها ولا لديها مأوى بالرغم من أهل زوجها لديهم قسم خاص لها ولكن لسوء العلاقه لم تستطع أن تسكن

معهم ...

وأنا والله ماوضعت هذا الموضوع إلا للتذكير يأخواتي فاإذا نسي زوجك أهله ذكريه بصلتهم ..وإذا أنقطع عنهم حثيه على وصلهم

وأعلمي أن هذا سيكون في ميزان حسانتك و لا تقولي "هم مايحبوني " وإلأ "وإلا هم راعين مشاكل ماحبهم "

أصبري واحتسبي الاجر عند الله وبأن يرزقك بأبناء بارين فيك هم وزوجاتهم ...

مع أطيب تحياتي لكم ومازلت بأنتظار تعليقاتكم وردودكم على أسئلتي ماهو نظام أمك مع زوجات اخوانك ؟

ماهو نظامك أنتي كزوجه في التعامل مع أهل زوجك ؟

امي مسيكينه شوي وتحبب رجيلهن وليتهن يستاهلن

كل وحده ازفت من الثانيه

مسوينها مربيه لعيالهم وشغاله وكل شي

يرمون عيالهم عندها اذا راحوا المدرسه ويجن مايسلمن حتى عليها

ولاكلمة الله يعافيك ياخاله وحده منهم تاخذ اسبوعين ماسلمت عليها وهي بنفس البيت

الثانيه اشوا شوي خاصه قدام رجلها اما اذا صار مو فيه تطنش شوي

والله يكون بالعون بس

يعطيك العافيه على الموضوع الرائع ... وفعلا موضوع يستحق الطرح ...

من وجهة نظري الغيره تلعب دور كبير بالعلاقه ... سواء غيرة الام من زوجة ولدها...
اوغيرة زوجة الولد من امه او خواته ... والضحيه الولد مابين زوجته وام عياله ومابين اهله وسند ظهره ...
وبالنسبه لعلاقة امي مع زوجة اخوي تعاملها مثلنا وافضل مننا وبالرغم من كذا زوجته الله يصلحها ...

أنا بقولك انا ماشاء الله تبارك الرحمن عندي خوان كثيروكلهم متزوجين وتعامل امي مع حريمهم حلو وامي مره طيبه معاهم وانا ماراح اطلع امي الحماة المثاليه بقولك انا لو مكانهم وش ممكن انزعج منه
امي الله يهديها تتدخل بأشياء هي ماتقصد من وراها الا السواليف فقط يمكن تبغى تتطمن عليهم لكن انا اشوف ان هالاسلوب يضايقهم احيانا
شي ثاني امي تنتقد احيانا تربيتهم لعيالهم هو من باب النصح والتوجيه والحرص الزايد الله يهديها لكن أكيد بعد هالاسلوب يضايقهم
من جهة حريم اخواني فيه وحده منهم مانحبها ونحترمها فقط علشان اخوي لأسباب كثيره وأمي الله يهديها دايم تقدرها لاصار عند اهلها مناسبه
لكن اذا كانت المناسبه لنا مستحيييييييييييل تروح وترفع راس امي والمشكله انها زوجة اخوي المحبوب عند امي
عموما انا اشوف اغلب امهاتنا يحبون حريم العيال ويخافون الله فيهم بس يمكن بعض الحرص الزايد يهدم العلاقه بينهم