كيف نعالج هذه الظاهره ..؟

بالأمس كتبت قصة قريبتي الي تأذت من زوجة اخوها واهلها بسحر التدمير وفعلا البنت أوشكت على الموت لولا رحمة الله بها والدعاء ، وكثير سألوني كيف ساكتين عليها وا اجبرتوها تفك السحر أنا اقلكم ليش؟؟
لأن الي تسوي السحر خبيرة كبيرة بالسحر وانواعه بالأضافة لكيفية اصطياد الضحية وتدميرها وايضا تشويه سمعتها يعني يخلون الموت ارحملها ، ولديها معاونات والي يحاول ينصحها يكتب وصيته اولا
ثانيا / هيا من اتباع ظاهرة التزمي تسلمي .. يعني تلبس عباية الرأس والحجاب الشرعي وتستضيف في بيتها الداعيات المبتدئات لألقاء محاضرات وهي وبناتها ماسكين تحفيظ القرآن في المسجد ومشرفين عليه وتدعي الطيبة اوالتصدق على الفقراء، واي انسانة انفضحت وانسانة سيئة لبست عباءة الدين والتحقت بحلقات التحفيظ علها تجد زوج او اصدقاء جدد والمؤمن الفطن هو الي يكشف هاذي الأشكال يابنات والله ان شغالاتها مانجت منها كمان واخبرتنا كل شيء قبل لاتسافر وتتعالج لأنها دمرت صحتها ، أسألكم بالله هذا موشيء يقهر كل وحده خبصت فحياتها ولا ريحتها فاحت او عندها خطط تدميرية لشخص ما ، تلتزم (مؤقتا)وتلتحق فالتحفيظ واعمال الخير ؟؟ ومو بس قريبتنا الساحرة اعرف كثبر كذا ليش حرام كيذا عشان محد يصدق فيهم ويصدقون كلامهم لأنهم ملتزمين اعرف وحده كمان نفس القصة كاننت غيرانة من بنت اخت جوزها جابتلها حالة نفسية بهاذي الطريقة وثنتين من صاحباتي تجوزوا بعد مالبسوا عباية الدين وقالولي هاذي احسن طريقة عشان تعيشين ومحد يطفشك وسوي الي فراسك.. محد بيصدق فيك واهلك وزوجك بيعطونك الثقة الين متى والأشكال هاذي تمارس احتيالها ونصبها وخداعها على الناس الطيبين باسم الدين ، اش الحل حتى لو تكلمتي محد حيصدق فيهم انا كم مره كنت بروح التحفيظ وافضحها بس محد حيصدقني انا بس ادعي ان الله يكشف امرهم وينظف الدين منهم . ياليت يا الأخوات تقولولي اش رايكم فهاذي الظاهره المنتشرة واش الحل المناسب لها