
ال.ال @alal_3
عضوة
كيف نعرف كلامه صح ولا لا
يدخل بالموضوع اخوي مراهق عمره 17 يجلس طول يومه على الجوال امي مطلقه وحرمه كبيره وماتقواه واذا فصل النت يوم يجننها تعبت معاه تعب كثير : شخصيته هادئه وحنون وطيب مرا بس طول يومه بجواله وعلى النت الفتره الاخيره لاحظنا ملاحظات ماعاد يصلي زي قبل ومن نقوله صلاه كان يطنشنا مايبغانا نعرف أنه مايصلي هالفتره يقولها قدامنا ماصليت ولا ابغا اصلي ماشكينا بأمره ابدا جاء لوحده من اخواتي وقالها كلام فجعنا كلنا هو مايدري أننا نعرف بس اختي علمتنا لأنها قريبه منه يقول أنا ملحد وماعترف بالصلاه والقرآن وكلام كثير يشيب من الرأس وناوي يسافر ويعيش بحريه وفيه ناس مو مقصرين معاي بيدبرون لي شغل اختي تقول تناقشت معاه وحاولت تفهمه صامل ويقول فيه واحد بيطلعنا ومعاي ثلاث بنات وولد ويبغا اختي تساعده عشان يطلع جواز سفر لان ماعنده سياره ولا فلوس يبغاها تساعده كيف تتصرف معاه امي للان ماتدري انا للحين مو مستوعبه اقول يمكن يمقلب اختي أو يطقطق عليها فيه جهه نروح لها يوجوهنا وكيف نعرف اذا صادق أو لا .يحلف لأختي أنه مايمزح يدخل مواقع غريبه ماعنده اصدقاء ابدا ولا يحب يصادق أحد لازم نتصرف بسرعه لان فيه احد وراه اذا صادق بكلامه وجالسين يدعمونه يرسل لأختي يقول أنا مظلوم ماحد يحس فيني ويلوم الكل ويشكي اكثر شي من تعامل امي معاه امي دائم تتنتقده لان مايخرج بس بالبيت وتقارنه مع اخوي اللي اكبر منه بسنه.. اللي بتسب أو تدعي مستغنيه عن ردها اللي فينا مكفينا
25
4K
يلزم عليك تسجيل الدخول أولًا لكتابة تعليق.

السفر موقف حاليا من هنا لين ذاك الوقت ربي بيفرجها بس ادعي له وبقلك ع يوم الجمعه قبل اذان الفجر بساعه ادعي بالحاح ربي يهديه ويرده للصواب

De5tiny
•
اولا عمر ١٧ مايطلع جواز
ثانيا دامه لسه قاصر امك تقدر ترفع عليه عدم اهليه وتفهم الشيخ توجهاته وافكاره عشان يسوي له منع سفر، وثالثا ادعوا له مافيه حل الا الدعاء فقط
ثانيا دامه لسه قاصر امك تقدر ترفع عليه عدم اهليه وتفهم الشيخ توجهاته وافكاره عشان يسوي له منع سفر، وثالثا ادعوا له مافيه حل الا الدعاء فقط

نجلاء .
•
اسحبوا جواله
اسحبوا جواله
اسحبوا جواله
حتى لو يصيح ويصارخ ويقلب الدنيا فوق تحت، طنشوووووه
ما يعرف مصلحة نفسه، لا كبر بيندم وبيقول وينكم عني ما مسكتوني..
اسحبوا جواله
اسحبوا جواله
حتى لو يصيح ويصارخ ويقلب الدنيا فوق تحت، طنشوووووه
ما يعرف مصلحة نفسه، لا كبر بيندم وبيقول وينكم عني ما مسكتوني..

De5tiny :
اولا عمر ١٧ مايطلع جواز ثانيا دامه لسه قاصر امك تقدر ترفع عليه عدم اهليه وتفهم الشيخ توجهاته وافكاره عشان يسوي له منع سفر، وثالثا ادعوا له مافيه حل الا الدعاء فقطاولا عمر ١٧ مايطلع جواز ثانيا دامه لسه قاصر امك تقدر ترفع عليه عدم اهليه وتفهم الشيخ توجهاته...
😂😂 من قالك ١٧ مايطلع جواز المولود يطلع له جواز وش عاد ابو ١٧
الصفحة الأخيرة
الله يرده له رداً جميلا و يهديه