لما كنت في مرحلة البكالوريس
ولمن نقلنا من مدينة لمدينة تانية
ثاني ترم كان عندي ضغط شديد في المواد بسبب التحويل
فكان عندي مواد من ثلاث مستويات
وكان المجموع 9 مواد أو 8 ماني فاكرة دحين
المهم أنا ماكنت ناوية أصلا أسوي ريجيم أو أي شي
لكن كنت يوميا أفطر على نص عصير تفاح أرين
وفي الجامعة ما غير أمشي من مكان لمكان أسلم في الواجبات والتقارير
مادة في مبنى هنا
والتانية في مبنى هناااااااااااااااااااااااااك
ودا الدكتور يبغى الواجب يتسلم الصبح يوم الأحد
والتاني مدري ايش يبغى
وزي كدا
حوووووووووووسة بمعنى الكلمة
كنت أمشي يوميا في الجامعة وكان بالي مشغول بشي تاني كمان
فما كنت فاضية للأكل وإني أشتيهه أصلا
لما أرجع البيت آكل في أصغر صحن في البيت !!! وساعات ما اتغدى أصلا لإنشغال البال
وأمي مرة تستغرب مني
في 3 أو4 شهور نقصت 12 أو 13 كلغ
ما شاء الله سرت ملكة جمال والجسم مرة خيال
فرق معاي مرة
والله صار وسطي وخصري مرة صغير
والملابس مرة تجنن علي
وكل من شافني قال : تغيرتي
كانت كلمة مرة تفرحني
وأذكر ما كان في بطن أو كرشة
لأ كل الجسم نحف من تقليل الأكل والمشي اليومي وانشغال البال بأمور تانية
هذه أول تجربة لإنقاص الوزن
ودحين جالسين نجاهد عشان ننزل 10 كيلو بعد الولادة
أتمنى تستفيدوا من التجربة خااااااااااااااااااااااااااااااااااااصة
بنات الجامعة الحلوات
بالتوفيق
ودعواتكم لي بالشفاء ولجميع مرضى المسلمين