كيف نكفر عن ذنوبنا وتقصيرنا في فترة المراهقه

يسعد مسائكم حوائيات ودي تشاركوني في موضوع لي فتره طويله افكر فيه ...
طبعا كلنا نعرف عمر التكليف وكثير منا بلغت وهي تجهل احكام الطهر
وللأن احيانا اسمع احكام في مسألة قضاء الصلوات اعتبرها جديده علي
هذا غير الصيام وقضاءه والطهر وفي امور ثانيه منها انه يكون في ذمتك
شيء لانسان مثلا اخذتي اغراض من شخص وماقدرتي ترجعيها لأي سبب
:35::35::35:
أنا مثلا كنت جدا خجوله ومستحيل اتكلم مع أمي او أختي بموضوع الدوره
وكنت أجهل الأحكام لدرجة أحيانا أخواتي يصلوا جماعه وينادوني اصلي معهم
وكنت اصلي ما أقول ماعلي صلاة وحتى الصيام كنت اصوم ولا أتذكر اني
أقضي ...... يارب اغفرلي
وفي أشياء ثانيه مضايقتني أذكر منها ان وحده من صديقاتي بالثانوي تزوجت
وحنا بأولى جامعه فصديقاتها اللي بالثانوي أرسلوا هديه لها مع اختي اللي
تدرس بالثانوي على اساس اوصل انا الهديه وكانت عباره عن عطر وتعليقه ذهب
وطبعا تعرفوا العرايس يداوموا يوم وعشره لا وكل ما أخذت الهديه معي ماأقابلها
والبنت سحبت من الجامعه وانا ماوصلت لها الهديه ولا أهتميت اني ارجعها لصديقاتها
لاتفتكروا اني استخدمتها او طمعت فيها لا والله لكن مثل ماقلت تهاون ولا مبالاة
هذه المرحله ...... الله يغفرلي
خلاصة الكلام ودي اعرف كيف ممكن الانسان يكفر عن مثل هذه الذنوب
قبل يومين كنت اقرأ موضوع بالمنتدى ذكرت في وحده من الاخوات ان جدتها الله يرحمها
كانت تصلي طول يومها وتقول ان هذا قضاء لصلواتها اللي اهملتها وهي صغيره
ووحده من صديقات اختي تصوم كل اثنين وخميس بنية القضاء عن الايام اللي افطرتها
في صغرها
اخيرا أختي لاتبخلي برأيك عسى ان تنبهي به غافله او تكفري به سيئه لأخت لك