كيف نلّحق🫩

ماعندنا هالكم الهائل من المناسبات المتتالية
امكن االشهر الجاي في كم مناسبة ورا بعض
لكن بعد كذا نرجع للسبات
كل كم شهر مناسبة او احتفال
لكن اذا والله متضررة لاتروحي
الا اذا لأهلك المقربين امك اخواتك اخوانك وعيالهم
باقي الناس اعتذري
بالنسبة للهدايا لاتعطي اكثر من المستحق
حتى وان كانو يستعرضوها
حتى لو تطلعي اقل من غيرك
وش بيصير
يتكلمو ولا يقولو شوفو فلانة وش جابت
خلهم يتكلمو
اهم شي فلوسك في جيبك ماراحت على اللي يسوى واللي مايسوى

عشانك موظفة تتعبين من المناسبات لان صدق الدوام ياخذ جزء من جهدك
لكن حنا ربات البيوت نعشق هذي المواجيب تكسر الروتين تجدد الطاقة نلقى الناس نكشخ نتقهوى ناكل شوكليت نشم ريحة عود
😂 انا عكسك منعشاق المناسبات السعيده
واما المواجيب والتصوير صادقة مالها طعم اصلا بطلوها تصوير الهدايا ماباقي الا كم حبة ان شاء الله يرجعون لصوابهم
واما عن نفسي فصراحة حدي دايم ٢٠٠ريال احطها بظرف مع باقة الورد والحمدلله من فضل الله عليه اني اذا مديت بال٢٠٠هذي لايمكن اني باقي انتظرها ترجع خلاص هدية وراحت ليش انتظرها ترجعها

والله انا عني معوده الناس مو دايم احضر حسب المزاج يومتها😂
مررره ماحب اضغط ع نفسي حتى لو فلانه هذي جاتني قبل
يا اروح مبسوطه يا لا اروح
والفتره هذي اصلا قطعت عن الكل ماعاد لي خلق للعزايم والرسميات
ان في عزومه وناسه رحت غير كذا مالي خلق

احيان كثير ماروح المناسبه. لان ماملك حق الهديه او يكونو ناس فوق. وهديتي تعتبر لاشيى بنسبه لهم .. والا انا من النوع الي يحب يحظر ..

ماعندي ولا مناسبه
حتى العيد رحت ل امي بس
ماشفت احد ابدا
والله عندي ملابس واكسسورات
بكرتونها مانفكت