السلام عليكم
بالنسبة لي اعمل طريقة سهلة تشجعني على تنظيف الحمام
احط على جنب بخاخ اخلط فيه اومو ومبيض سائل ومعاه فوطة تنظيف وبجانبه ملمع الزجاج ومعه فوطة خاصة بالزجاج ، مرات ادخل في اي وقت اجد المراية فيها نقط الماء لان باقي العائلة يتوضوا ويجي الماء على المراية وينشف بالرغم من اني لسه منظفته في الصبح واثار الصابون على المغسلة
اخد بسرعة ابخ المغسلة بالمنظف وامسحه بالفوطة وابخ الملمع وامسح المراية واذا احتاج الامر اي مكان آخر اتسخ واسحب السيفون وانظفه بسرعة والماء يمشي مع صب اي نوع منظف او مطهر
وهذا كله ماياخذ ثلاث دقائق وبعدها اتوضأ واطلع
هذا طبعا غير التنظيف العام للحمام كما ذكروا اخواتي جزاهم الله خيرا
ارجوا اني اكون افدتك لاني انا ايضا التنظيف عندي مشكلة ودايما ادور على الطرق السهلة
اطلب منكم بس تدعولي ربي يهديني ويهدي اولادي وزوجي ويلم شملنا
الله يجزاكم خير ,, ويوفقكم ان شاء الله على الطرق السهلة ,, ويهدي الجميع ان شاء الله ,, وان شاء الله راح اجربهم كلهم ,, ويعطيكم العافية حبيباتي ,,,
الصفحة الأخيرة
انا بقولج طريقتي وشو استخدم ..
ديتول + هاربيك + جف البخاخ او العادي + ديتول البخاخ للحمامات
حطي هاربيك ف الكرسي وخليه فتره بيشيل كل الاوساخ ,, انا استخدم البرتقالي ريحته جنان ,, ف هالاثناء غسلي المغسله والبانيو ,, واستخدمي الجف البخاخ او العادي وافركي بالاسفنجه مال الصحون بتشوفين اللمعان ع اصوله ,, بس اذا كان في زخرفه ف المغسله من الاطراف لا تحطين عليها جف لأنه مع التكرار بتروح الزخارف .. خليه الجف حق قاع المغسله وصنابير الماء ..
وبعدين روحي للكرسي وافركيه من داخل بالفرشاه المخصصه له .. ومن فوق بالاسفنجه والجف او ديتول البخاخ.. ووآخر شي سحبي الماي وبعدين صبي شوية ديتول .. والافضل انج تعلقين معطرات هاربيك ف الكرسي كل ما تسحبين الماي تعطيج ريحه حلوه من غير التعقيم ..
وبعدين ف الدلو حطي شوية ديتول وماي وصبيه ع ارضية الحمام ,, وممكن كلوركس واي صابون للغسيل .. وبعدين جففي الحمام .. والمناظر نظفيها بمنظف الزجاج واستخدمي الجريده ف التنظيف افضل ما تترك أثر ..
وامممممممممم وتقدرين تحطين المعطرات مثلا اللي تتعلق ع الحائط وتضغطين عليها لما تدخلين الحمام عزج الله ,, منتجات جليييد او اير ويك كلها حلوه ,, جليييد عندج بريحة الخزامى جنان ..
امممممممم هيه الافضل انج تطلعين كل الاغراض الموجوده ف الحمام قبل ما تغسلينه ,, فرشي ورق السفره برع وحطي عليه الاغراض احسن وبعد ما ينشف الحمام رجعي الاغراض ..
وإذا تبين تحافظين ع ايدج تقدرين تستخدمين القفاز احسنلج وقت التنظيف ..
ان شاء الله اكون افدتج ,, وربي يوفقج ..