كيف ننظممممممم اوقاتناا!!!!!!!!!

السلام عليكم يا حبي لك ولمواضيعك ياكهف المساء وانا ميته من الفرحة لأني أول وحده ارد شوفي حياتي 1- كيف اهتم بالبيت ارتب وقتي حسب الأعمال اللي عندي لأن زوجي ما يخرج من البيت وما يحب اشتغل وهو موجود وانا ماعندي شغالة وعندي 5 ابناء بناتي يساعدوني كثير بالبيت مثلاً وحده عليها تنشيف المواعين وترتيبها والثانية كنس البيت وفي اليوم الثاني تتبدل الأدوار وهم الكبيره13 والثانية 11 البقية يساعدون في ترتيب الملابس وجمع اللعب واغراضهم أحب اكمل اغلب شغلي في الليل لأني أكون فايقه اكثر امسح اغسل وارتب اما الغسيل يوم بعد يوم حتى ما تتكوم الملابس الكوي مرتين بالإسبوع وانا ربة بيت ما اشتغل في الصباح يكون ما علي الا الغداء وكمان اكون مجهزه حاجاته من قبل مثل الخظروات يوم يحظرها زوجي من السوق اقطع اللي تحتمل مثل الفاصوليا والدباء وافرم اللفت يعني حاجات مثل كذا احطها في أكياس في الفريزر البصل والثوم افرمهم واحطهم في علب بالثلاجه البسكويت اطحنه واحطه في علبه كبيره يعني ادوشتك بشغلي بس الحلو في كذا اني اتعب والخبط المطبخ في يوم والباقي يكون أهون شكلي من جد رررررجه :29:
2- الأولاد الحمدلله بناتي هادييييين الظهر اتابع دروسهم واجلس على النت اما الصغير وهو الرجه ملخبطني لخبطه الله وحده اعلم بها ياااااااااارب يكبر بسرعه
3- الزوج الحمدلله متفهم واغلب وقته معنا واهتمامي به الحمدلله احسه راضي عني احاول اسعده وارضيه قد ما اقدر اللبس انوعه وكمان شكلي احب اغير فيه من وقت للثاني لأن الرتابه ممله الحركات بالليل بعد ما ينامون الحرس الوطني وهم ينامون بدري من العشاء أحاول قد ماأقدر دائماً سواليف معه حتى ما يمل ويتعود يسولف لي بكل شيء يصير معاه
4- القراءه هي حياتي اقرأ كل ما يقع تحت يدي من كتب أحب الكتب الأجتماعيه والقصص والشعر وكتب الشيخ عايض القرني حلوه اسلوبه رائع استفدت كثير من كتاب كيف تكسب الأصدقاء لدايل كارينغي وكتاب لا تحزن وكتاب حدائق ذات بهجه وكتاب مقامات القرني كلها للشيخ عايض القرني واشرطه اسمع الكثير منها كلها دينيه احبها موت والجميع استفدت منها والحمدلله طورت نفسي اني ادور على اي عيب في واحاول اعدل من نفسي واحاسب نفسي باستمرار دون قسوه لأن الكمال لله وحده كيف كنت هذي الفضيحه قبل الزواج كنت عايشه على كيفي اصلي واصوم لكن كل وقتي في الأفلام والتفاهات هذي بعد الزواج عرفت ان الحياة قصيره لابد نعمرها بالطاعة ومشكوره على الدعاااااء ياحياتي احس اني ناجحه اي والله العظيم لأن زوجي راضي عني ومبسوط وبناتي احس اننا نجحنا في تربيتهم وتحفيظهم القرآن وهي اكبر نعمة ولانزال ونصيحة مني رتبي اوراقك تسعدي :time:

اختى كهف المساء حبيت اسلم عليك وان شاء تكونتى مرتاحة والحقيقة ما عندى خطة معينة
لكن انصحك بان تقرئ كتاب تلبيس ابليس كتاب جيد ومفيد ورائع

نسيت اقولك على طريقة روعه ترتبين بها اوراقك وتتخذين قراراتك جيبي ورقه واقسميها بالطول اكتبي فوق قسم ايجابيات وقسم سلبيات وحطي اللي في بالك بس لابد تكونين رايقه ومرتاحه وقتها كذا تتخذين القرار الصحيح بإذن الله

والله اني رجه ما صدقت اكتب سلام مع امنياتي لك بالحياة الطيبة وانا تحت امرك من جد لصقه امريكيه سلام عيوني :26:

اه يالوقت دائما متقلب وياليت نلقى حل جيد وجميل عشان نستفيد ونفيد ازواجنا واولادنا :26:

والله يا اختي كهف المساء اني فااااااااااااشلة في ترتيب الوقت
دائما احاااااااااااول واحاااااااااااااااااول واحاااااااااااول انظم وقتي بس ما اقدر
اذا بغيت اهتم بنفسي ولبسي ومكياجي امام زوجي .....تركت البيت والشغل والملابس والكوي
اذا اهتميت بالبيت .....قصرت في حق الزوج ؟؟؟؟
:29: :29:
ادعو ربي اللهم بارك لي في وقتي ....اقرا عن تنظيم الوقت ....لكن للأسف مااااااااااقدرت
عشان كذا لما شفت موضوعك على طول دخلت
ابغى اعرف اللي تحس انها مسيطره على الوضع تقولنا وشلووووووووووووون؟؟