كيف هالبنات يحصلون أزواج بهاي الطريقه ومنو الصح نحن أو هم؟

بنات أنا وايد مقهوره من هالحاله إلي وصلت لها أنا وغيري وغيري من البنات...أنا سبق لي إني دخلت في علاقه بداعي الزواج والله تاب عليه ورجعت للطريق الصج وتبت الحمدالله بعد ما إكتشفت غلطتي وبعد البلوى إللي صارت ليه من ورا هالشي..و بعد ما شفت الويل من التجربه الفظيعه إللي مرت فيني..وملتزمه لا أطلع من البيت ولا عندي سوالف بطاليه الحمدالله دوام ودراسه مسائيه وبيت...3 من إأهلي وواحد من إخواني تزوجوا مؤخرا زوجات وكلهم عن طريق تعارف مع زوجاتهم بالتيلفون..يا بنات أنا أعرف إن هالشي غلط وحرام بس كيف صار هالشي أستغفر الله قمت أوسوس وتيني ألف فكره وفكره إني ليش ماروح أسوي نفس الشي وأحصل زوح..ومن قهري يا بنات إل متزوجين منهم تكون ثاني مره متزوجه يعني حصلت زوجين!! ونحن اللهم لا أ‘عتراض...أبغي أعرف كيف في بنات يقدرون يصيدون أزواج بهاي الطريقه إاذ كان الريال الخليجي عامة ما يفكر بهاي الطريقه ويرفض بس ليش أحين تغير هالشي..منو الصج نحن ولا هم؟ والله قامت تيني أفكار واتعوذ من إبليس يعني أقول ليش ماجرب يمكن أحصل يمكن تضبط وياي وبعدين أرجع وأقول لا أستغفر الله حرام ما بسوي هالشي,,,حسبي الله ونعم الوكيل هالزمن كل شي صار فيه بالعكس العفيقه محد يدق باب بيتها وإللي تلعب لعب ورا الرياييل تحصلينها تزوجت.!! أرجوكم لا تقولولي حسد أنا مب قاعده أحسد حد أنا إعتراضي على وإستفهامي على الطريقه إلي صارت فيها هالزيجه..يعني باختصار هم يخربون علينا بعد ما كان الريال يدور البنت عن طريق الأهل صار العكس..