gaamraالله يكون بالعون اختي الغالية.......:24:

علاقتي فيها رسمي

بعد التجارب والمحاولات

الرسمي افضل واريح

أنا رأيي ما في أحسن من الرسمي ...يعني أكون حذرة مع خصوصياتي وأسرار بيتي ..
أنا لسة ما قابلت زوجات أخوان زوجي يقيمون في بلد آخر وأنا انشاءلله مسافرة في الأجازة بعد أيام وأقابلهم...واحدة بس كلمتني بالتليفون كتير بس قلبي يقولي أكون حذرة وأعاملهم بالخير ومايرضي الله

خليك على الرسمي اريح للجميع ومن تجربه
ولا يعني من قل الحريم يااختي صادقي اي وحده الا السلفه

شوفي ياعزيزتي.. انا بعدني ما عشت مع زوجة اخو زوجي لنه بعده ما تزوج..

لكن بخبرج عن خبرة شفتها حدام عيوني..

انا عندي حريم اخواني الثلاثة.. كل وحدة فيهم لها شخصيتها..

لكن اقول الصدق الكبيرة منهم واللي هي زوجة اخي الكبير. يعني عقلها راجح.. يمكن تطبعت بطلع اخوي الكبير لأنه هو كبير العائلة بعد وفاة الوالد .. وهو حكيم بكل تصرفاته..

يعني لما تقعد مع حريم اخواني الثانيات.. تقعد بكل هدوء ورزانه.. ولو شافت منهم شيء غلط مسكتها على جنب يعني تروح لغرفتها وتعقد ترمس معاها وتقول بطريقة غير مباشرة عن الشيء الغلط اللي سوته..

زوجات اخواني كلهم ما اقول رسميات مع بعض.. لا
هن يحبن بعض .. يتزاورن بغرفهم.. لأن لكل وحدة جناج كبير خاص فيها (من 2-3 غرف مع صاله وحمامين ومطبخ ومجلس)

صح نلاحظ التنافس بينهم في الترتيب.. لكن كل وحدة تحب الخير للثانية وهذي بشاهدة كل وحدة..

نقعد معاهم على سفرة غدا وحدة نضحك ونشرب ونطبخ الحلو مع بعض..

يعني الانسان ينقي قلبه وخلي توكله على رب العالمين.. ويحب الخير للناس حق تحب الناس الخير له..

والحمدلله كل وحدة كملت يا 6-4-2 سنين في بيت اهلي ولامرة صار بينهم زعل والحمد لله...

وكل ماربت وحدة يابت الثانية لها هدية او صار لها مناسبة..

يعني لاتكون رسمي واايد ولا انج تخلين الحبل على الغرب..

لاتقولين لها اسرارج كلها.. ولا انج تمنعين الكلام معاها كلش..

تكلمي معاها في حدود الادب واللياقة مثل ما تتكلمين مع زميلتج او مع اخت زوجج.. بس ولا اكثر.. ولا تقولين هي تقرب لزوجي.. لأن الكل يعتبرج بنت البيت..