اول شي مبــ1000ـــروك :26: :26:

ثاني شي .... 1- عامليهم بطيب وحذر بنفس الوقت ...يعني لاتغلطين على احد منهم ولاتسمحين لاحد انه يغلط عليك
واذا حصل واحد غلط عليك حتى لوبالمزح بيني انك زعلتي ...مهو تقلبينها هوشه وتقولين أم الكتاكيت قالت ....
لاحبيبتي بيني انك زعلتي وهذا كفايه في البدايه ...واذا شافو انك من البدايه ماتقبلين بالغلط راح يحترمونك .
2-كلامك معاهم خليه في مواضيع عامه بعيده كل البعد عن حياتك مع زوجك ...لاتقولين لهم على اي شي بينكم لاخير ولاشر ولا تبينين لهم حب زوجك لك عشان مايغارون وتبدا المشاكل .
3- زوريهم بالأسبوع مرتين أو ثلاثه وخليها زيارات خفيفه ولاتطولين ابداّ .
4- حاولي انك تهادينهم لأن الهديه لها دور في كسب الناس ( تهادوا تحابوا )

الله يوفقك ان شاء الله ..وعلى فكره ترى اسلوب تعاملك معاهم من البدايه راح ينبني عليه اشياء كثيره
اتبعي الأسلوب اللي يريحك وتقدرين تستمرين عليه طوووووووووووول عمرك ان شاء الله
يعني مهو في البدايه تتقبلين كل شي ...وتقولين كل شي ......وتروحين كل يوم .........
وبعدين تطفشين وتقولين زعلوا ...طبيعي راح يزعلون لأنهم تعودوا على الشخصيه الأولى ...عشان كذا اختاري الشخصيه الأولى زييييييييين .



:26: :26: :26:

والله انا طبيعيه معاهم وهم زي السمن علي العسل


بل كمان لما نروح احيان نسافر اروح عند حماتي والله سعيده فينا وتزعل مننا اذا اخذنا فندق


لااني معاهم عادي مافي مجاملات ولاشي وهمو زي

انتي اتعاملي معاهم زي اخواتك

وصدقيني راح تحبيهم ويحبيونك

هلاوين اختيـ مو لازم اسم

اولا الف مبرووك وربي يتمم بخير ويسعدك ويوفقك

ثانيا الامر مايحتاج تفكير وتخطيط وهم وتدخلين على العالم ونتي مسلحه بكل انواع الدفاع عن النفس ومدري ايش ,, انتي ياحبيبتي مو خاشه حرب فالافضل ومن مصلحتك تدخلين عليهم بطبيعتك وخليك حبوبه مع صغيرهم ومحترمه واسلوب وذوق مع كبيرهم اكسبيهم تكسبين راحتك وحب زوجك وراحته معك

انصحك في بدايه تعارفك عليهم ماتكلمين كثير التزمي الصمت من باب الخجل كاعروس جديده والابتسامه الهاديه الي تريحهم نحوك وتحببهم فيك ومن الصمت بتستفيدين اشياء كثيره انك تعرفي تفكير هذي واسلوب هذيك وتعرفين بعدين على اساس تاخذين وتعطين معهم فا خليك ذكيه وتعرفي عليهم اول قبل تتعاملين معهم وتضايقين احد بدون ماتقصدين او تزعلين احد لانك ماتدرين انه حساس او هالشي العادي عندك يزعله ومن هالامور

وخليك دايما اخت لهم متعاونه معهم وبيني لهم انك حابتهم ومرتاحه لهم واثبتي للكل انك بنت ناس اصيلين مربين بنتهم على حسن التعامل والاسلوب المحترم الذوق

وصدقيني انتي الي بترتاحين اذ الكل حبوك بيزيد حب زوجك لك اكثر واكثر وبالتوفيق :26:

..

.

اقول اخت مو لازم اسم ،،،

انتي تقصدين بالحموات ام زوجك واخواتها ولا تقصدين اخوات زوجك

اخاف في غلط في الفهم لانه عندي بمنطقتي الحموات هي ام الزوج واخواتها 000

يوووووووووووووووووووووووووه والله انكم نشميات وما توقعت ان احد بيرد علي وما كنت ادري عن بعض هالامور ,الله ينور عليكم
ماادري اشلون اعبر لكم عن شكري وتقديري لكل وحده فيكم
الف شكر يا عزيزاتي
بنت ادم اقصدبالحموات خوات الزوج وكتبته فوق بس يمكن ما نتبهتي
وطبعا ام الزوج هذي شي ثاني لان مو معقول اني باسال كيف باتعامل معاها مايبي لها


اللي فهمته منكم اني اكون حريصه بكل اللي اقوله ومافيه اي سوالف عن بيتي والهديه لها دور واني احترمهم جميع واعتبرهم مثل الخوات
وش بعد !!! ايه ولا اخذ واعطي معاهم واجد ولا انقل سالفه لهم ولا اتدخل في فلان وعلان تجنبا للثرثره
اللي راح تصير
بس لسى يا لحبيبات ماقلتوا لي
اشلون اكون معاهم في البيت اقصد في الشغل هل اتدخل والا لا مع انهم واجد ماشاء الله
وشي ثاني من ناحية اللبس في زياراتي لهم وش اللي مناسب لاني اشوف بنات يروحون بقمصان البيت وانا ما احب كذا هل هي قاعده ؟؟؟؟
واذا شفتهم متجمعين في غرفة وحده منهم هل ادخل عليهم والا التزم الصمت واجلس في مكان ثاني
واذا شفتهم يتكلمون عن سالفه ما اعرفها وطبعا عن جماعتهم او اي شي هل استفسر والا اهجد ومالي شغل
ولو صار شي بالغلط لاسمح الله من سوء فهم او زعل او اي شي من هالاشياء وشلون اتصرف (ادري اني سبقت الاحداث بس احسن من انه يصير واتندم على اني ماسالت )
مشكوره مقدما
قولوا يا خواتي ولا تستحون .....بانتظاركم
:26: :26: :26: