يا بنات لا تعقدون الأمور


أول يوم في آخر دوره يعتبر أول أسبوع حمل >>>> بالرغم من انج تكونين حائض يعني مب حامل
ثاني أسبوع يصير فيه التبويض وممكن التلقيح
الأسبوع الثالث يتثبت الحمل وهكذا .......... إلين تكملين 40 أسبوع

اتمين تحسبين كل 4 أسابيع تكملين شهر من الحمل

ريحي راسج وقولي نفس تاريخ أول يوم في آخر دوره يعني مثلاً أنا أول يوم في آخر دوره كان 22/10/2003
يعني كل 22 من كل شهرأكمل شهر و أدخل الشهر اللي بعده وأنا ألحين في نص شهري التاسع والأسبوع الثامن والثلاثين
باقيلي أسبوعين ويمكن أقل ..... ادعوا لي

((على هذا انتي بتكونين حاسبه أول شهر انج حامل مع انج ما حملتي فعلاً إلا في نص الشهر بس جذيه يحسبونه))

قطوتي

متى كان أول يوم في آخر دوره ؟؟؟؟
حبيبتي صح ان الحمل 9 شهور لكن الدكاترة يحسبون بالأسابيع و يزيدون أسبوعين قبل ما يستوي الحمل يعني يبدون من تكون الحرمه حائض لآخر مرة فيستوي الحمل 10 شهور



ولو انتي في الأسبوع 24 إذاً انتي في الشهر السادس

العزيزه
متى كان أول يوم في آخر دوره ؟؟؟؟
إذا كان 17/1/2004

ابدي احسبي .
أول أسبوع يبدا من 17/1/2004 وفيه تكونين حائض
ثاني أسبوع يبدا من 24/1/2004 وفيه يتم التبويض
ثالث أسبوع يبدا من 31/1/2004 وفيه يتم التلقيح ويثبت الحمل في الرحم بإذن الله


وهكذا

إلين توصلين للأسبوع الأربعين اللي بيبدا 17/10/2004 وبينتهي 23/10/2004 وهو موعد ولادتج بإذن الله ((وممكن تربين قبله أو بعده على حسب )) الله يسهل علينا جميعاً ويقومنا بالسلامه

أما بالنسبة للشهور فأنتي في الشهر السادس

:26:

أبا أقولكم معلومه

حساب الأسابيع أضبط وما يخربط
وحساب الشهور يختلف يعني حددي لج طريقة وحدة عشان ما اتوهين في الحسابات :27:

اللي تباني أقوم بالحسابات سواء بالشهور أو الأسابيع
وأحددلها موعد الولادة المتوقع تتفضل تعطيني تاريخ أول يوم في آخر دوره وما يردها إلا لسانها :27: