اهلييين بنات بقولكم تجربتي والصراااحه الى الان ما شفت احد سواها

اسمعو سالفتي وتجربتي مع ولدي وجربوها بس شرط انه ولدك اوبنت يكونون فيه سن 4او 5 او 6سنوات ويكون جاهل كيف جاهل اقرو السالفه وانتم تعرفون

انا ولدي يمـص اصبعه من وهو في الشهوور اربع شهور ومثلكم بالقفازات ويمص من واراها ربطت الاصبعه باحاله ويفكه من المص عجزت كبر الولد وجبت اخته وصار عمره 3سنوات ونص 4 تقريبا وكان بكري وقالت لي مرت اخوي انها فطمت ولدها من صدرها جربت كل شئ واخر شئ حطت منااكيير احمر تقول وارتاع ولا صار يمصه قلت خلني اجرب موب ضارني

كنا في رمضان الله يشرفه
وكان ولدي نايم ولا يعرف المناكير وانا قليل احطه على اظافري
اخذته وحطيته على اصبعه اللي يمصه مناكر احمر من كل الجهات يعني غطيت الاصبع مناكير
وانتبهي لا يقوم ويشوفك
يوم قام بيمصه قلت له شفت من كثر ما تمص صار احمر مثل الدم
والولد يرتاع ولا مسحته طبعا كنه صدق والرجال ما مصه خايف خفف منه شوي كل ما يمـص ذكرته بالاحمر اللي طلع له من المص
بعد يوم او كم يوم بدا يقشر او انه راح وكل ما يمـص قلت له ترى بيصير احمر نساه لكن ما قطعه وبدى يرجع على الخفيف مأثر فيه اللون يخوف
قلت خلنا نعدها عشان يرتاع ويتركه
وينوم وادور المناكير الاحمر وادوره وضاع مدري وين حطته عشان مايشوفه ويعرف
قلت بلاها واحط مناكيير اسووووود
ويقوم الولد وهو خاايفه من قبل احمر ومشيناها والحيين اسود
ومن الخوف الحمدالله من عقبها ماعاد يـمـص اصبع والحين عمره 10 سنين ونسى والولد السالفه وسلك في الحياه

بس النجاح هنا انه ولدي مايعرف المناكير ومخبيته عنه واحطه وهو نايم واذا قام اخوفه ولا احد عنده في البيت يخرب على ويعلمه انه مناكير فنجحة المهمه

هو صح انا كذبت عليه بس وش اسوي
انتم ماتدرون ولدي وش كان يمص الاصبع الاوسط من اليد اليسرى وولد مشكله

قلت لابد والحمدالله اذا قلت له الحين انه يمص مايذكر

وفي بناتي الباقيين على طول مثل ما قالت لي وحده اللهيايه من النفاس ولا بعد من المستشفى اذا كانو عيالك يمصون وغثيثين مايمسكونها بسرعه


ان شا الله تجربتي تنفعكم بس لازم الصبر وتكرار وانه مايعرف بس اذا ولدك سنتين ويخاف من الدم ممكن تحطينه وان شا الله بتنجح

الله يجزاك خير ع التجربه .. وان شاء الله يستفيدون منها البنات ... بنتي كبرت ما تصلح لها .. بنتي حومة كبدي من ** اصبعها . واحيانا تكمل الناقص اصبع في الفم والثاني في فتحة الانف شفتوا عاااد النكته ..


وحده بتسجل
الله يجزاك خير نبهتيني للمناكير الاسود . المناكير الاحمر مايصلح تعرفه

الله يجزاكم خير
بس ايش هو المر الي في الصيدليه

يا اختي
بنتي كانت تمص اصبعها وما خلينا طريقة ولا وسيلة الا اتبعناها حتى مر الاصبع متل ما تسموه ما خلينا وما في فايدة ..
اخر شي طلع لها باصبعها تالولة (ثألول) اخدناها عند طبيب الجلدية نعالجها منها فطبعا علاجها الكوي فكوى الطبيب مكان التالولة وسبحان الله رب ضارة نافعة ومن يومها انفطمت عن الاصبع .
وتحياتي

اشكرك اختي على ذكر تجربتك
لكن بنتي مانفع فيها اي شي
وعمرها الان خمس سنوات وكل شي جربته
قفاز وشراب ومر وصبره خليتها مره ثقيله واحطها وتمصها
وكنت استخدم تجربه ورا الثانيه لين تعبت نفسيتها وتركتها
لاني خفت عليها والله وخصوصآ ان شخصيتها حساسه شوي
والان احاول معها بالأقناع لكن ماتركته للآن...