كيف يجيني نفس انظف البيت والموية دايم مقطوعه-تم التعديل

لا ياعمري مو كسل انتي حاولتي التنظيف بس غصب عنك المويا مو متوفره

بس بالنسبه للغبار كل يوم مسحي وقفلي الشبابيك احسن

الله يعينك

اصبري وربي يعوضك بللي يريحك ياررب

عزيزتي الله يعينك ويقويك وانا والله دايما اقول المويه هي اساس النظافه ولو مافي مويه مافي نظافه الله يعينك ويصبرك ويعوضك خير يااارب بس انتى حاولي باللي تقدري عليه علشان ماتتهاوني قومي بواجباتك قد ماتقدري وعاد لا يكلف الله نفسا الا وسعها
وبالنسبه للمويه اقتصدي قد ماتقدري وعبي بجالونات وغسلي اهم شي المواعين والحمامات
واذا على الغبار ترى كلنا نشتكي منه لله المشتكى دعواتي لك بمنزل تتمنينه وتحلمين فيه
وترى يااختي المحبه لا هي ببيوت ولا بقصور ولو انك بخيمه بالبر ولاترضين بالوساخه خيمتك بتكون نظيفه الله يكون بعونك ياقلبي

دعواتي لك بمنزل تتمنينه وتحلمين فيه :26:

الله يعينك يا شيخه .. و الله يجعله يقدرك و يرد لك جميلك بيوم من الايام و يعرف صبرك

أقول لو تشترين مسدس معجون ( الظاهر كذا اسمه .. يطلع شي زي الغرا الابيض ) الظاهر اسمه مسدس سيلكون .. المهم حطي حولين الشبابيك و الابواب منه بس انتبهي لا تطلعين عن المسار .. هو أساساً يستخدمونه العمال ..
وايش ميزته هذا المسدس ؟ ميزته انه بين الفجوات اللي بالشبابيك و الابواب يدخل غبار .. هذا يسد الغبار ..

هذا حلي للغبار


بالنسبة للموية .. عبي عندك جوالين كثار كل ماجات الموية اقل شي عشرة جوالين .. عشان حتى لو تنقطع بكيفها .. و صفيها عندك .. بالحمام .. و اول ما تحتاجين استخدمي

و اول ماتنزل الموية عندك على طول غسلي الملابس و الحمامات وتحممي انتي كمان .. عان برضه توفرين حق الجوالين


الله يفرجها عليك و عليّا ,,,

والله ما الومك بس عزيزتي حاولي تعبي المويه بجكوك كبير ة قبل ماتقطع وتخصصي إثنين او ثلاث للتنظيف 0(دائماً) مثلاَ لغسل المواعين والارضيات املي سطل صغير بالماء وضيفي له شوي مطهر ذو رائحة عطره وهاتي فوطة سقطيها بالسطل واعصريها ومسحي فيها الأرضيات -الحمام اعزكم الله جك صغير يكون على جنب خاص بتنظيفه ويكون فيه مطهر -عاد الغبره المكنسه الكهربائية تقوم بدورها هنا - المطبخ السطل العريض عبيه مويه وفيري وغسلي فيه ماعلش حاولي تنظفي الاطباق من فضلات الطعام تماما قبل ما تغسليها فيه علشان يفضل طول اليوم ما تضطري تغيري المويه كل شوي وسطل ثاني للشطف وبس انا بيت قرايبي لما اجي عندهم كذا دوم المويه قاطعة وأشوف شغالتهم هذي طريقتها بالبيت وما شاء الله ما تشكي والبيت نظيف -وارجع أقولك عبي جكوك كثيرة في الفترة الموجودة فيها المويه واتركي 2 -3للمطبخ 5-10 للحمام( اعزكم الله ) وضوء ، تغسيل،استحمام وغيره- 1 كبير لتنظيف الأرضيات وحاولي مسح الارضيه مايكون يوميا ممكن بالمكنسه الكهربائية كفايه علشان المويه
( على فكرة لو ساكنين بنظام شقق ممكن تشتروا خزان خاص فيكم وتمدوا مواسيرة لشقتكم فقط )أو فيه سطول كبيييييرة مره لونها غالبا على كحلي اللي فيها بزابيز من أسفل هاذي مرررره توفر لك مويه اعتقد اشتروها من الحراج
ووالله والله قلبي معاك الله يعينك ويصبرك ويقويك ويعوض صبرك خيييييييير إن شاء الله ويغنيك من فضله اللهم آمين
ماعلش طولت عليك بس والله جربت هالحاله عند قرايبي وحاسه بحالك لأني عايشته.