اليوم بنزل حلى سهل و سريع و لذيذ سويته اربع مرات ايام الامتحانات عشان اشرد من الدراسه:icon33: اتمنى انكم تجربونه
المقادير:
ثلاث اشياء
الاحسن بسكويت غراهام (افتر راسي و انه ادوره و ما حصلته استخدمت بسكويت قهوه الصباح)
مارشميلو
جالكسي
الطريقه:
اول شي نسخن الفرن على180 درجه او اقل (لانه الجالكسي و المارشميلو بسرعه يذوبون و عشان ما يتحمر البسكويت)
نصف البسكويت في صينية فرن نص كيمه البسكويت نحط عليه جالكسي الاحسن نص قطعه و نحط على باقي كميه البسكويت بعد نص قطعه مارشميلو
بعدين ندخل الصينيه في الفرن لمده 5 دقايق او اقل لين ينتفخ شوي المارشميلو و الجالكسي يلمع و يذوب و قبل ما نطلع الصينيه نضغط على المارشميلو و لين صار مثل ألي في الصوره خلاص انطلع الصينيه
وبعدين نسكر كل بسكوته عليها جالكسي مع بسكوته عليها مارشميلو و نضغط شويه عشان يذوبون مع بعض و يقدم على طووووووووول لانه احلى و اهوه دافي
هاذي اخر حبه في الصحن قلت خلني اسوي حركه عشان تجوفون المارشميلو و اهوه ذاااااااااااااايب مع الجالكسي
ملاحظه: لا تستخدمون بسكويت اولكر لانه بسرعه يتكسر عقب ما يتعرض لحراره الفرن و بسكويت غراهام اهوه بسكويت أجنبي صعب تحصولنه بس يكون احلى معاه
اتمنى تجربونه و يعجبكم
ادعولي تكون نتايج امتحاناتي مرتفعه:27:
بس خلك من الحلويات وركزي في اختباراتك ههههههههههههه لا تتهربين كاشفينك