_تاليا_
•
مممممممممم الكتم يقولون يعدم الشعر ؟؟؟ وانا قررت هالشهر اسوي حناء وزيت خردل (للتطويل)
شورايج ؟؟؟
شورايج ؟؟؟
الصفحة الأخيرة
شوفو يا حلوات.. الشعر لما ينحط فيه الزيت, يكون مبلول ورطب بس, يعني, مايكون متروس ماي.. فلما تضيفين الزيت, الفروه تمتصه بسرعه, عكس لما يكون ناشف, وبعدين تعجفين شعري, بدون ما تستخدمين بروش أو مشط... لأن الشعر راح يكون ثقيل شوي.. وبالعكس.. لما إتبعت هالطريقة, شعري وايد قل تساقطه ولله الحمد... وبعدين , هذي الطريقة قالتهه لي وحده هنديه... والله يجزيهه ألف خير...
شوفي يا تاليا... هذا جدول جداً بسيط و إن شاء الله ينفعج..
أولاً: صبغ ...إنسي... تبين لون أسود ؟؟ راح نسويه بالحنه و الكتم.. OK؟؟
1- ما بنحدد أيام هالمره.. بس قبل كل حمام راح نحط زيت مع التدليك...نشتري زيت الناريل ( إذا كنتي تقدرين تشترينه من معصره يكون أحسن) لأن ريحته تكون مقبوله, وإذا ما حصلتي, إشتري زيت براشوت الأزرق اللي يكون للأكل, وإستخدمي طريقتي بالتدليك والشعر رطب, غسليه بعد ساعتين ,وإذا تقدرين تتمين فيه لخمس ساعات بعد زين, يعني حسب ظروفج... لما تواظبين على زيت معين راح يستفيد شعرج إن شاء الله..
2- نجي للون الأسود , جعل الله أيامج كلهه بيضه إن شاء الله..هيهيهييي..
أول شي تحنين شعرج بالطريقه اللي علمتج إياهه..غسلي شعرج ببلسم وماء, بدون شامبو..
نشفي شعرج بالفوطه. على حسب طول شعرج.. خذي 7ملاعق أكل كتم و خلطيه مع عدد 3 روب, وخليه يتخمر نصف ساعه, بعدين , وشعرج رطب, فرقي شعرج ووزعي الخلطه هذي على شعرج زين مازين, وغطيه بنايلون ولبسي إشارب. بعد ساعتين غسليه ببلسم فقط.
ثاني يوم رطبيه شوي, وحطي زيت مثل الطريقة السابقه, وبعد ساعتين غسليه بالشامبو.. وإن شاء الله تحصلين على الشعر الأسود اللي يعجبج, واللمعه الحلوه بعد..
وتقدرين تعيدين الطريقة هذي (الحنه والكتم) بعد إسبوعين...
وبعيد بعيد عن الصبغ..
وباي باي...:)