كيف يعتذر الكائن المريخي العجيب 😅

السلام عليكم ورحمة الله وبركاته
كيفكم حوائيات؟
جا في بالي موضوع وإن شاء الله يكون مو مكرر
"ماهي لغة اعتذار زوجك"
بتقولون احنا ايش نستفيد من لغة اعتذار زوج فلانة وعلانة؟!
باقول لكم انه ممكن بردك تفتحين عيون وحدة وتعرف ان زوجها كان يعتذر لها في موقف معين بشكل غير مباشر وهي مو فاهمة ؛ وبكذا تتآلف القلوب وتتصالح ان شاء الله ❤
لأن زي ماتعرفون الرجل الشرقي البحتتتتت صعب جداً يقول آسف وكبرياءه يمنعه، الله يعيننا على هالكبرياء😅
أنا اقصد الأساليب غير المباشرة طبعاً ماأقصد الهدايا والورد
مثلاً:
بعضهم يجيب الشيء اللي تحبينه
بعضهم يساعدك في البيت والأولاد
بعضهم يهتم زيادة بأهلك ويواصلهم ويعزمهم
بعضهم يجيب شغلة كنتي من زمان تطلبينها وممكن كنتي تحنين وتزنين عشانها
بعضهم يتحركش فيك ويحاول يضحكك
بعضهم يتلزق فيك ويلمح لك عشان ....
فالمطلوب ياجميلتي:
كيف تعرفين ان زوجك قاعد يطيب خاطرك ويحاول يعتذر؟ وش الفعل اللي يقوم مقام كلمة آسف لو صعبت عليه؟
وأخيراً : اللهم ألف بين قلوبنا وأصلح ذات بيننا واهدنا سبل السلام ❤