أم نسيبه
•
بإختصار لا تكن ليناً فتعصر ولا قاسياً فتكسر
يعني عامليهم بطيبك وأصلك ولاتنتظرين مقابل
عامليهم مثل ما تحبين يعاملونك لكن وحطي تحتها ميه خط لك حدك
لا تنزلين نفسك وتسوين شي مو بمطالبه به كزوجة ولد
مثل ما نشوف مواضيع سويت لهم وسويت ولا لقيت مقابل !!!
بإختصار هم ما طلبو منك إنتي اللي نزلتي من نفسك >>>>أقصد اللي نزلت الموضوع مو انتي ياعسل
إذا ودك تسوين شي زايد جزاك الله خير ومشكوووره
يعني لا تروحين تقولين اسرار بيتك كلها وماتبين تدخل منهم
في اهل زوج يضايقون إذا عرفو إن زوجة ولدهم مثلا راحة مطعم ماله داعي تقولين وشوفي حسب أهل زوجك
كلامك مدح لهم ومجاملات وشوفي وش فيهم حلو وقوليه مو لازم تكون مجاملات كذابه
تكلمي عن أولادك إنهم يسألون عنهم ومن هذا الكلام
مافيها شي تساعدينهم في سفرتهم وتاخذين حلا معاك لكن مو تغسلين مو اعينهم !!!
اللي ما اقبله من زوجة اخوي ما اقبله على الناس
إذا لاحظتي تدخل في حياتك مافيها شي إذا وضحتي لزوجك لكن مو بطريقه شكوى من أهله لألأ
لكن تعطينه فكره عن الوضع اللي يناسبك
لا حظتي خلال جلستكم تدخل في حياتك ويعطونك إقتراحات
خلي الابتسامه في وجهك وقولي اشوف ان شاء الله ويصير خيير
لكن لا تتناقشين وتقولين لا مو حلو ولا مو عاجبني كذا بتفتحين باب عليك
بالنسبه لزوجك أنا مبدأي بصراحه هو ولدهم قبل يصير زوجك
أي مشوار يبونه أي غرض مافيهااا أي شي إذا هو راضي انا مالي دخل فيهم
أهلي في بدايه زواجي كانو ينصحوني يقولون لا تسمحين يوصل اخته بيتها
لكن فكرت فيها سبحان الله !! لوكنت مكان اخته ويحرمني زوجي من اجتماع اهلي من لي غير اخوي ؟؟؟
بالنسبه للزيارات حسب اجتماعهم اسبوعيا أو كل اسبوعين إذا ماودك بإحتكاك زاايد
وحلو ان اولادك يعرفون أهلهم ومايصيرون غريبين عنهم ولا متحيزين لأهل امهم
وطبعا امه قبلي في كل شي إذا مافيها تدخل في حياتنا
وش كثر هذرتي :D
الله يسعدك ياااارب ويسخر زوجك لك ويرزقك بر أبنائك
الصفحة الأخيرة
مثلا خالتك تقول وش اخبارك؟
تقولين والله تمام اليوم تهاوشت انا وولدك ابي اروح مطعم وقال لا وزعلت وماطبخت الخ الخ
قولي الحمد لله بخير جعلك بخير انتي بشرينا عنك
يقولون اختك ماتزوجت الى الحين ليش ماخطبها احد ؟
موب تقولين والله مابقى احد ماخطبها بس هي تدلع فلان وفلان وكلهم ردتهم الخ الخ
قولي محد ماخذ الانصيبه وماكل عصى تعصي وبس
دخلتي لقيتيهم يتهاوشون مو تركضين تقولين وش فيكم وراكم ؟
وتفكين وتصلحين بينهم ادخلي سلمي اذكري الله واسكتي اذا سكتوا زين واذا كملوا الهوشه انسحبي مكان ثاني واذا طلبوا حكمك والا رايك خلك دبلوماسية وحاولي تتهربين لانهم اهل ويصلحون مع بعض