كيف يكون التعامل مع شخص وحيد اهله ؟

خوف امه عليه انها تفقده مالومهم عليه تخيلي نفسك انك وحيده امك كيف بتعاملك وحبها الشديد لك
الطلعه والخرجه ماهي كل شئ احيانا الوحده يصر على السفر وهو مايدري لو اجله فيه

أنا مو متزوجه بس أعرف وحده من جماعتنا متزوجه وحيد أهله وكانت تتعامل معاه كأنها أهله تخاف عليه وتتودد معاه وصحيح كانت عندها مشاكل بسبب انه وحيد أهله بس كانت تخلي المشاكل بكفه وزوجها بكفه وعايشه حياتها تطلع وتتونس وتلعب معاه كل شيء معاه حتى السفر تسافر


بس نصيحه انتبهي تسوين مشكله معاه عشان أبوه اعتبريه أبوج واكسبيه وإذا مو متزوج اقترحي عليه

طيب بس كل شي له حدود مو معناته انه يعطي كل وقته ﻻ اهله ينسى بيته انا ندمانة اني اتزوجت واحد وحيد اهله احيانا اقول لو اني ما استعجلت احسن بس برضو ارجع واقول نصيب انا وربي ماحطيت احتماﻻت ان راح يصير في حياتي كذا  

فقد باب من ابواب الجنه خليه يقعد عند الباب الثاني واكيد انه مو مقصر معك بس احنا احيانا الحريم نبالغ ونغار حبتين

يأختي ماله بعد الله بهالدنيا الا ابوه خليج عون لهم

وهذا عمج حسبة ابوج جهزي الشاي والقهوه والتمر وانبسطي معاهم وياحلوها سوالف الكبار وقصصهم اول كلها حكم وعبر وتسوى الف طلعه

والا طلعو حدايق بر وتونسو وانبسطو انتم الثلاثه

والا عزمي ابوج ان كان بنفس الديره واجلسي مع ابوج وعمج وسمعي السوالف الحلوه منهم

والزواج ياقلبي مو الزوج مقابلج 24ساعه وطلعات

انتي هم طلعي تونسي اعزمي صديقاتج روحي دار تحفيظ اشغلي وقتج

وياكنتي ميته ع الطلعه خولها بااليل ينام ابو زوجج

ولاتطيعين ابليس وتفرقين الابو عن ولده وتخربين بيتج بايدج

واعيد كلامي هذا ابوه ترضين مرة اخوج تفكر بابوج كذا

والله يسعدج


للعم انا مومتزوجه