بقلك طريقتي وان شاء الله تفيدك

انا اطفالي ٢ بس وحامل وتعبانه من الوحام

من تعب الوحام بيتي تكركب صار ما ينطاق وكنت متفشله لو وحده تجي فجأة وش بتقول عني بتقول تعبانه ومسكينه لا والله كثير من الحريم ما بتعذر بتقول رفلا ما تعرف تنضف بيتها وامها ما علمتها وغيره من الكلام

المهم خليت اطفالي ينامو. ومسكت غرفت الضيوف رتبته فقط ترتيب حبه حبه بدون ما اجهد نفسي لما خلصت ترتيب طلعت وقفلت الغرفه مع ان باقي لها تنضيف

وطلعت ريحت شويتين مع صغاري لما حسيت اني ارتحت قمت وبديت بالصاله والمدخل ترتيب فقط. اللعاب اطفالي مثل الكور والمكعبات السيارات الصغيره الي تنتشر جمعهتها بكيس وشلتها مره ما يشوفوها
وبعد ما خلصت الصالات والمدخل
رحت اريح مع ان راح وقت كثير بالترتيب اخذت كل شي حبه حبه

المهم خليت الباقي الشغل باليوم الثاني
واليوم الثاني بديت بالكنيس لكل الاماكن الي نضفتها غرفة الضيوف والصلات والمدخل وبعد الكنس ريحت وبديت بمسح البلاط وتمسيح الكنبات والمساند من الغبار. وريحت
واليوم الي بعده بديت بالحمامات
وخليت غرفة النوم اخر شي قبل غرفت النوم بديت بالمطبخ المطبخ جلست فيه ثلاث ايام لانه بدقيقه يتكركب واذا صحيو صغاري ما يخلوني انضف ينكتو بالدواليب تنكيت المهم بعد ما حسيت المطبخ نضف صرت اقفله واشيل اي شي يطيح اول باول اهم شي بالبيت المطبخ والحمامات اذا نضفت ذي خلاص ما يهمك البيت الباقي لانه بيكون سهل

بقي الحوش. الحوش صرت كل ما يصحو صغاري اطلعهم فيه يلعبو لحد ما يطفشون والعب معاهم وانضف وهم يجمعو معي الاوراق والكراتين لحد ما نضفته

بعد تنضيف الحوش بديت بغرفت النوم صرت لو يطيح شي صغير على طول اشيله وانا امشي اي شي قدامي ما اطنش اشيله

الحين بعد ما انتهيت من التنضيف للبيت كامل صرت اكل اطفالي بالحوش واحيان اجلسهم فوق السفره واكلهم وهم جالسين والي يقولم احرمه من الاكل
واي شي يطيح منهم او يكركبو اعاقبهم وامسكه بيده واخليه يرجع كل شي بمكانه
واحيان اخليهم يساعدوني بطريقه لعب ومرح
اجلس واقله يله يابطل حط ذا هناك شاطر وشيل ذا بالزباله وهو متحمس وكل شوي احضنه وابوسه عشان ساعدني

الحين اقلك بعد ما يتنضف البيت حطي اكياس زباله صغيره واحد بالصاله واحد عن الحمام واحد بالمطبخ واحد مكان نوم اطفالك واحد مكان الي ياكل فيه
وكيس كبير مره بالحوش عند الباب الخارجي اي شي بيدهم من الزبايل قدامهم الاكياس يحطو فيها اذا تعبت خلي اي احد من اولاده يرمي الكيس بالكيس الكبير الي بالحوش واذا تعبى الكيس الي بالحوش اروموه على طول

وللمعلوميه مافيه شي يجي بالساهل اي شي بتسويه تتعبين ومو اي شي يستوي معاك على طول كل شي حبه حبه وشوي شوي لحد ما تنجزي شغلك

اهم شي انك تصبرين ولا تنسين صلاة الوتر وادعي الله انه يعينك على شغلك وتربيت اطفالك
وصلاة الضحى واقري كل يوم لو صفحه من القران ولو ما لقيتي وقت تقرين كرري الفاته
وسورة الاخلاص
يعني على طول اليوم لسانك يذكر الله

قبل النوم قولي الذكر الي وصاه الرسول لابنته فاطمه عندها طلبت جاريه تساعدها على فهمي للقصه
قال لها قولي قبل النوم
سبحان الله ٣٣ مره
والحمد لله ٣٣ مره
والله اكبر ٣٣ مره
لا اله الا الله تتم المئة

ايضا لما تحسي بكسل رددي لا اله الا الله وحده لا شريك له له الملك وله الحمد وهو على كل شي قدير

اكثري الاسغفار اثناء النوم واثناء الراحه

واثناء الشغل اكثري من التسبيح

سبحان الله والحمد لله ولا اله الا الله والله اكبر

كان النبي ادريس ان ما خاب ضني كان يخيط واذا ادخل الابره واخرجها يقول سبحان الله والحمد لله ولا اله الا الله والله اكبر

التسبيح تنجزين شغلك وانتي ما تحسين بالتعب او بالوقت

والله يعينك ويساعدك ويهونهاعليك

لازم يتقسم الشغل العدد كبير والشغل كثير مصلا زوجك وأخوه مسئولين عن الحوش مرك في الاسبوع يكنسونه
اخوات زوجك خطي بينك وبينهم جدول تنظيف والي يكبر من اولادك دخليه في الجدول انتي الطبخ و تعاونوا على التغسيل وايش زوجك يقارن خشي في عينه وقولي الناس عندهم شغالات ولايصلحون نصف شغلي ( وليش تخبطين وتحسين انك فاشلة ؟) مااشوف ان فاشلة
نقطة مهمة الملابس اذا فيأتيها لاتعلقينها على الحبل عادي حطيها في مغاليق وعليقها يقل الكوي وكل واحد يكوي ملابسه
الحمامات مل يوم على وحده
المجالس مرة في الاسبوع مل اسبوع على وحده او ثنتين يتعاونون واذا ماصار فيه ضيوف مثير ومافيه غبار بيقل التنظيف
اهم شي المطبخ تتعاونون عليه يومي والحمامات وجلستكم قبل النوم لازم ينظفونها كلهم يعني لو تحتاج نصف ساعة وتعاونوا بتصير تحتاج من كل واحد ٥ دقايق
خلي نفسك مديرة البيت ونظمي الشغل بينهم مستحيل تقدرين تخدمين كل هذا العدد

والله ياختي الله يفرجهاعلي وعليك انامثلك بس اناماقد تزوجت مع اهلي ولارحموني

والسالفه يا اختي خليك واثقه بنفسك لان اللي تمري به نفسي اللي امر به اجهاااااااد لان عندك كذا مسوليه واحنابشر بس هالناس ماتحس حسبي الله ونعم الوكيل وبعد اخواته ليش مايساعدوك ..اذا شايفه الوضع معد تقدري عليه واهلك بتكوني مرتاحه عندهم فتطلقي لكن قبل روحي ازعلي عندهم يايجيبلك شغاله او يحطك ببيت لوحدك مع بزرانك