كيف يمكن تحميل الصورة من الجوال أو من سطح المكتب

اول شي اذا صورة من الجوال لازم يكون عندك وصلة تسمى يو اس بي عشان توصلين الجوال بالكمبيوتر وتنسخين الصور من الجوال لجهاز الكمبيوتر وهالوصلة تجي عادة مع الجوال اول ماتشترينه وتنحط بمكان الطابعه من ورا في جهاز الكمبيوتر واذا عندك اكثر من مدخل يو اس بي بتلاقينه بجنب مدخل الطابعة
واذا كان جهاز الكمبيوتر اللاب توب فيه بلوتوث افتحي بلوتوث الجوال وارسليه للكمبيوتر عن طريق البلوتوث

واذا حملتي الصور في الكمبيوتر او كانت عندك على سطح المكتب وتبين ترفقينها بموضوع مدعم بالصور اتبعي هالخطوات واتمنى اني اقدر اوصل لك الطريقة بشكل واضح
1- افتحي الصفحه اللي بتكتبين فيها الموضوع في المنتدى
2-افتحي صفحه ثانية لأي موقع تحميل للصور مثل
http://9q9q.com/index.html

http://www.m5zn.com/index.php

وانا افضل الموقع اللي في الرابط الثاني لأنك تقدرين تحملين اكثر من صورة بوقت واحد وعموما فيه مواقع اكثر واحسن بس هذولي سهله بالنسبة لك كأول مره
3-اذا فتحتي الموقع اضغطي على ايقونة مكتوب عليها تحميل الصور او رفع الصور
4- بيجيك مربع مستطيل وجنبه كلمة Browes اضغطي عليها وبيفتح لك على الصور اللي بجهازك انتي عاد اختاري الصورة اللي تبينها واضغطي عليها وروحي للمستطيل اللي بعده واللي يعده اذا عندك صور كثير تبين ترفقينها واذا بس صورة وحده خلاص حطيعا وروحي لآخر الصفحة بتلاقين مستطيل مكتوب فيه اضغط هنا لرفع الصورة اضغطي عليه
5- بتفتح لك الحين صفحة فيها جاري تحميل الملفات شريط يتحرك خليها تتحمل وبتفتح لك صفحة فيها الصورة اللي حملتيها وجنبها روابط كثير انتي ظللي الرابط اللي في المستطيل اللي مكتوب بجنبه الكود لوضع رابط الصورة المضغرة في المنتدى

سوي له نسخ
6- الحين روحي لموضوعك اللي كاتبته في المنتدى في المكان اللي تبين تحطين فيه الصورة يعني مثلا بعد ماكتبتي وهذي صورة الكريم
حطي هنا المؤشر حق الماوس عشان يصير مكان الصورة بعد الكلام اللي كتبتيه وروحي فوق مع الأيقونات بتلاقين مربع اصفر فيه صورة جبل ولو حطيتي عليه المؤشر مكتوب اضافة صورة افتحيه وامسحي اللي فيه وضيفي انتي الرابط اللي نسختيه بكليك يمين بالماوس بعدين لصق بتلاقين الرابط صار مكتوب حطي اوك
وكملي موضوعك بعدين ان شاء الله بتلاقين الصورة مع الموضوع
دوختك بالشرح ادري بس حاولت اساعدك قد ماقدر
اتمنى يكون واضح