قصه اغرب من الخيال والاغرب نهايتها انا كتبت هذي القصه بعد ما شفتها بواحد من هالمسلسلات
وقلت ودي اخليكم تقرونها :
فتاه اسمها منال عمرها 19سنه طلعت بيوم من الايام مع اهلها واهل عمها من الرياض رايحين على جده وفي الطريق وقفوا يرتاحون شوي وكانت الساعه تقريباً 12 بالليل طبعاً منال هي اكبر وحده وخوانها كلهم صغار عشان كذا راحت لوحدها وتركت جوالها في السياره جوا الشنطه وسارت تتمشى لوحدها وابوها وعمها ركبوا السياره وابوها يحسب بنته مع اخوه واخوه ماشافها اصلا من خرجوا من البيت ومشيو وكملوا طريقهم طبعاً منال لمن التفتت لقت انه محد موجود من اهلها وصارت تبكي لوحدها بوسط الليل ووسط طريق مقطوع ماحد يمر فيه الا السيارات المسرعه وحتى جوالها مو بعها وجلست تدعي ربها ان احد يشوفها او ينتبه احد من اهلها قبل ما يبعدون ......
كان بالطريق ثلاثه شباب ثنين منهم اعوذ بالله مررررره ((جنسيين)) كل يوم مع وحده (ماجد&فيصل) والثالث يروح معهم بس ما يسوي شئ لانه ولد ناس ومعروفين(خالد) المهم كانت منال واقفه عالطريق عشان يشوفونها الناس وياخونها او تاخذ تلفون على الاقل ولمن تعدت السياره انتبه لها ماجد وجلس يصارخ ويقول لخالد: وقف وقف شفتلي بنت وجلسو يضحكون عليه ويقولون له : انت انهلبت بنت ووين وسط الطريق وبهالوقت . وكان ماجد مُصِر الا يوقفون ولمن وقف خالد رجع بالسياره لورى ولمن شافتهم منال ويوم شافت ان فيها شباب جلست ترجف قرب منها ماجد وهو يقول : يااااويل حاالي انتي من وين جايه انتي بشريه ولا جنيه ؟ طبعا قرب فيصل اللي طبعه ما يختلف عن طبع خويه بشئ وهو يقول : يوو ماجد انت شايف اللي انا شايفه . ماجد : الا بالله شايف . منال وهي ترجف : لاتقرب مني
فيصل : يعني انتي من جدك ولا تستهبلين تحسبينا بالرياض بمين بتستنجدين يا حلووة ؟ ماجد: هههههه
قرب خالد وهو يشوف خوياه يحاصرون البنت وقال: بعد انت وياه عن البنت حرام عليكم. فيصل : خويلد لاتسويلي فيها مرجله قدام البنت خلنا نشووف شغلنا . ماجد : ياخي تصدق اخاف تطلع جنيه ماني مصدق اللي قاعد يصير بااارد مبررد هههههه . خالد : ياخي اصبر انت وياه خلنا نعرف ويش تبي هالبنت . ياختي انتي ويش جايبك بهالمكان . منال وهي تبكي وميته من الخوف : انا داخله على الله ثم عليك ياولد الناس . خالد ابشري ياختي بس قولي انتي ويش قصتك ؟؟ منال وهي تاكل بعض الكلام من الخوف والبكى : انا كنت مع اهلي وراحوا وخلوني وهو مايدرون وانا حتى جوال مامعي عشان اتصل عليهم . فيصل وهو يتمصخر على منال ويقلد صوتها : لا واللهي بالله من جدك انتي ولا تستهبلين ترانا ماحنا بدلوخن مثلك قولي كلام ينصدق . فيصل : اي والله اجل راحوا وخلوك ههههههههههههه يلا يلا بس يا مجودي خلك معي اليوم شكلها صباحي . صرخ خالد : لالا تقرب انت وياه والله ان قرب واحد منكم لا يلوم الا نفسه وترى السياره سيارتي والله ثم والله لا اروح واخليكم بالخلا وبعدين البنت تراها مثل اختي وان شفت احد منكم يقرب منها ترى اسويها اروح واخليكم . فيصل : اموووووووووت انا بس ياشيخ على الاسلوب الرائع خل عنك بس . ماجد : يعني بالله بنت وبهالمكان وبهالوقت ايش بتكون قصتها اكيد راكبه مع احد وراميها هنا صرااحه اثبت لي انك دلخ يا خالد . خالد : مالك شغل انت وياه . منال والله العظيم اني صادقه وما اكذب . فيصل : اقوووووووووووول . خالد : اسكت انت وياه ما لكم شغل . اخذ منال وركبوا السياره وكانت منال قدام وخالد يسوق وفيصل وماجد متسدحين على بعضهم ورى وكل شوي يلمسون شعر منال وفي هذي الاثناء صرخ فيصل: اه ه ه ه وقف وقف بطني بطني وفق ياخالد وقف وقف.. خالد وهم مفجوعين راح فيصل يجري ورى تل صغري شوي وهو يصرخ وينادي ماجد وخالد راحزا له يجرون طلع فيصل ورمى خالد وشردوا بالسياره مع منال وخالد وقف له سياره وراح وراهم ولمن ركبوا مع منال طول الوقت منال تصرخ وتبكي وكان ماجد يسوق وفيصل بس يلمس فيها ويتسدح عليها وهي تقول لها : ابعد عني ابعد ولا ترى والله لا ارمي نفسي . ماجد : هيه اووويه انتي ويش فيك ترى حنا بس نبي نبسطك ونخليك رايقه بدل هالصياح ذا . فيصل : ايه والله تراه صويدق خويي مجود يعني ترى دايم البدايه صيااح وبعدها ضحك وناااااسااه . منال : لا ماا ابغى وقف بسرعه
في هذي الاثناء كان ابو منال يحسب منال مع اخوه ولمن تعدى اخوه من جمبه يعني زله شاف ان محد معه الا بزورته وانفجعت وعلم زوجتها ووقفوا يدورونن على منال ورجعوا .
وقفت سياره ماجد وفيصل وقبل لاتوقف السياره فتحت منال الباب وجلست تجري باسرع قوه عندها وقام ماجد وفيصل يطاردونها وتجري وهم يجرون لين لما وصلت تحت كبري واندست ورى عامود وهم وصلوا عندها . فيصل : والله هالبنت مو بهينه مثل ما توقعت ياماجد . ماجد : لابالله انها ميبهينه بس شفت اليوم انا ماسكها يعني ماسكها والله لا اخليها تموت بين يدي . فيصل : ههههه قصم عنيف خل لنا شوي اقول خلنا نرجع للسياره تحس بالامان وتطلع . رجع فيصل وماجد ولمن رجعوا شافهم خالد وقال للي معه وقف وقف بسرررعه وقف عطاه عشرين ريال وراح يجري لخوياه وقال لهم البنت وينها سويتوا بها شئ ؟؟ ماجد :لا ننتظرك يالدلخ.لساا تصدق خساره انحاشت ولاكان وريتها الوناسه على اصول.. فيصل : ههههههه ياخي انك. خالد دف فيصل بقوه وراح لسياره واخذ مسدس وكشاف وراح يدور على منال ويصارخ . يااااابنننننننننننننننت . وينك ياااابننننت لاتخافين انا خالد والله مراح يلمسونك وينك اطلعي وعليك الامااااااااااااااااان . طلعت منال وراحت لخالد تجري وتقول له وهي مصروعه من البكى وشوي وتنجن من كثر الصياح والجري : الللله يخليلك كل غالي الله يخليك لاهلك انا داخله على الله ثم عليك ابعد خوياك عني ابعدهم ترى والله ان شافوني بروح فيهااا . خالد : ياختي اهدي والله مراح يلمسونك دامك معي انا من شفتك وانا صدقتك واضح اللي كلامه صح من الكذاب . منال : طيب ليه انت صدقتني وهم لا . خالد : هم عشانهم طول الوقت عقلهم مشغول بهالاشياء ماعليك منهم امشي معي . لمن وصل خالد شافه خوياه . فيصل : ايوااااااا قالها بنبره زي الشاميين القدامى (ابو شهاب) انت كذا وصلتنا لنص الطريق مشكووور مشكوور وماقصرت الحين اثبتت لي انك رجاااااااال . مد يده عشان ياخذ منال ومنال صرخت بقوه وراحت ورى خالد وخالد قال : ابعددددد ((وهويطلع المسدس)) والله ان قربت لا اطلق عليك . ماجد : انت شفيك لاتخلينا نخسر بعضنا عشان بنيه ترى البنت حلوة . خالد تركهم واخذ منال وراح للسياره وقام فيصل نقز على خالد وخالد طلق وجات برجل فيصل.ماجد: خاااالد انجنيت انت شسويت. فيصل: آآآآآه ه ه..
خالد : ماجد خذ خويك وتعالوا السياره . شال ماجد فيصل ودخلوا السياره وفي الطريق شافت
منال اهلها موقفين بعكس الطريق وصارت زي المجنونه : وقفففف وقف اهلي اهلييييييي . رجع خالد وراحت منال مع اهلها وارتمت على امها وهي تصرررخ . ابوها : ويش السالفه ياولدي ليش حالتها حاله وتبكي . خالد قال السالفه للراجل ولمن عرف حلف على خالد انه غير يزوجه منال ولمن وصلوا جده تزوج خالد منال . طبعا فيصل وماجد اخذوا عقابهم (50 جلده كل جمعه وسجن ست سنوات )
القصه حقيقيه وكتبوها وصلحوها حلقه في احد المسلسلات
شراااااااايكم يا بنات >> الله لا يحطنا بهالموقف يارب يفجعوووووووووون فيصل وماجد بس يستاهلون
انا شجون @ana_shgon
عضوة جديدة
يلزم عليك تسجيل الدخول أولًا لكتابة تعليق.
انا شجون
•
لـــــو سمحتم انا رقبتي عورتني وانا قاعده اكتب لكم القصه لاني مالقيتها بالنت
فإذا كان فيكم ذره احساس اللي تدخل مو تقرى وتنبسط وتخرج من دون
لارد ولا شئ مو معقوله الردود 2 والمشاهدات قريب 40
وترى مايكلفكم شئ بس انزلوا تحت وحطوا رد سريع اذا مافيكم تحطون رد كامل
فإذا كان فيكم ذره احساس اللي تدخل مو تقرى وتنبسط وتخرج من دون
لارد ولا شئ مو معقوله الردود 2 والمشاهدات قريب 40
وترى مايكلفكم شئ بس انزلوا تحت وحطوا رد سريع اذا مافيكم تحطون رد كامل
هاي القصه حقيقة وطلعت من زمان بس حلوة ونهايتها سعيدههاي القصه حقيقة وطلعت من زمان بس حلوة ونهايتها سعيده
هذا الحلقة شفتها امس في مسلسل الساكنات في قلوبنا من جد تخرع :06:
الصفحة الأخيرة
المفروض على الاهل يتفقدون بناتهم وعيالهم