كيكات إسمها سندويتشات فكتوريا..جربتها و طلعت لذييييذه

مرحبا حبيباتي:41:...شو الأخبار ..إن شاء الله تمام...
اليوم يبتلكم كيكات فعلا خفيفه و لذيذه و ما تاخذ جهد زياده...طبعا الأهم إني جربتها وضبطت معاي والكل سألني عنها:23:...والي هي كالتالي:

مقاديرالكيك:
4\3 (ثلاثة ارباع) كوب طحين بالخميره
نص كوب زبده(100 جرام)
نص ملعقه صغيره بيكينج باودر
نص كوب سكر
2 بيض

مقادير أخرى:
كريمه مخفوقه حسب الحاجه
مربى التوت حسب الحاجه
سكر البودره للتزيين

*(اللي ما عندها طحين بالخميره ممكن تستبدل مقادير الكيك بمقادير الكيكه الأسفنجيه العاديه و إن شاء الله ما بيكون فيه فرق)

الطريقه:
في البدايه نخفق السكر مع البيض الين ما يستوون كريمه,و عقب نضيف الزبده وعقبها الطحين و الخميره و نكمل الخفق.
نحط الخليط في صينية الفرن وندخلها الفرن الين ما تنضج الكيكه و نظهرها.
نقطع الكيكه الى مربعات و كل مربع الى شريحتين, ناخذ مربع و ناخذ شريحه وحده إمنه و ندهنها بالمربى و عقب نمسح فوقه بالكريمه و عقب نسكرها..ونكمل بالمثل الين ما تنتهي الكميه و نصفها في صينية التقديم.
نخلي الصينيه في الفريزر لمدة ساعه , و قبل التقديم نرش الكيكات بسكرالبودره بالمشخله(المنخل).

جربوها و إن شاء الله ما بتندمون و بتضبط معاكم...:cook: