كيكات الجيلي و الكاكاو...مضمونه 1000 بالميه...

السلام عليكم حبيباتي...
هاذي يمكن ثاني مشاركه لي بطبق جديد:21:..و إن شاء الله مضمونه 1000 بالميه لأنها طلعت وايد لذيذه و نالت على إعجاب الجميع عندي, و أهم شي إنها وايد سهله...عطتني الطريقه وحده من الأهل يزاها الله خير...فلنبدأ:23:

مقاديرالكيك:
1/2 1(واحد و نص) كوب طحين بالخميره( Self raising flour) منخول
1 كوب سكر
1 ملعقه صغيره بيكينغ باودر
4 بيضات
1 قالب زبده 200 جرام

مقادير الكريمه:
1 ظرف دريم ويب
نص كوب حليب
1 ملعقه صغيره فانيلا

مقادير خلطة الكاكاو:
2 ملعقه كبيره كاكاو بودره
1 علبه قشطه
4 ملاعق كبار نيدو
نص كوب سكر بودره

المقادير الأخرى:
1 ظرف جيلي الفراوله
1 كوب ماي مغلي
غرشة نيوتلا(لا تخافون ما بنستخدمها كلها):o
برش جوز الهند

الطريقه:
أولا نحظر الكيكه, فنبتدي نخلط مقاديرها, أول نحط السكر و البيض و نظربه في الخلاط الين ما تستوي عدنا كريمه, و عقب نضيف الزبده المقطعه(قطعناها عشان تسهل عمليةالخلط) ونرد نخلط في الخلاط, و بعدين نضيف الطحين و البيكنج باودر و نكمل الخلط.
نصب الخليط الي عدنا في صينيه الفرن وندخله الفرن لمده 20 دقيقه أو الين ما تستوي الكيكه و نطلعها من الفرن و نخليها تبرد شوي 5 دقايق.
نحظر كريمة الدريم ويب بإضافة الحليب و الفانيلا مثل ما هو موضح في ظرف الدريم ويب, و نخلطه في الخلاط الين ما يستوي كريمه, في نفس الوقت نحظر الجيلي بإضافة كوب الماي المغلي.(ممكن نحظر الكريمه و الجيلي في الوقت الي بتكون فيه الكيكه في الفرن لكسب الوقت).
وعقب نبتدي نقطع الكيكه إلى مربعات و كل مربع نقسمه قسمين(يعني شريحتين).
بناخذ مربع واحد و بندهن شريحه وحده بالكريمه و نسكرها, و نسوي بالمثل في الباقي الين ما نوصل لنصف الكميه من المربعات, و بعدين نغمس كيكات الكريمه في الجيلي و نقلبها كامله من جميع الجهات في برش جوز الهند و نتركها على جنب في صينية التقديم.
و الحينه نكمل في الكيكات المتبقيه عدنا, و ناخذ مربع واحد و ندهن شريحه وحده بالنيوتلا, و نسوي بالمثل في الباقي الين ما تنتهي الكميه.
نحظر خليط الكاكاو, فنخلط القشطه و بودرة الكاكاو و السكر البودر و النيدو مع بعض في الخلاط الين ما يستوي الخليط مثل الكريم, و ندهن مربعات النيوتلا بالكامل بالخليط الي استوى عدنا من جميع الجهات و نقلبه في برش جوز الهند و نصفه مع مربعات الكريمه و ندخله الثلاجه تقريبا لمدة ساعه أو ساعه و نص, و نطلعه من الثلاجه و نقصصه إلى مربعات صغار لسهولة التقديم و الأكل...خلاص و بتكون الكيكات جاهزه للتقديم( طبعا كل ما كانت بارده أكثر كل ما كانت أحلى):23:....
أتمنى إن شاء الله إنها تعيبكم و أتريا الرد منكم بإذ ن الله ....:27: