وعليكم السلام ورحمة الله وبركاته

هلا والله بام سعيد

ليش حبيبتي ما يضبط عندج الكيك والله زعلتيني بس ولا يهمج جربي أي نوع من الكيك اللي أنا كاتبتهم وانشاء الله تضبط معاج ونصيحه جربي كيكة البرتقال

وبالنسبة لسؤالج عن الكوبين ما عرفت عن أي كيكة بالضبط تسئلين بس بشكل عام أنا أستعمل كوب الجبن بالتحديد كوب جبن المراعي الكبير إنشاء أكون أفدتج

بس بالنسبة للكيكة الرخامية الكوب المستعمل هو كوب الشاي أو الحليب اللي في الصورة

أما بالنسبةللزبادي اللي في الكب كيك ممكن تستعملين أي نوع بودرهم مثل مرموم أو روب دبي ( ستيريلاك ) وغيرها ولج الخيار بالنسبة لي أستعمل أي نوع موجود عندي :10:

يا ريت أكون وضحت وإذا في شي ثاني لا تترددين حبيبتي

تسلمين عمري شووووق على الرد

ولا شكر على واجب عيوني

وبالنسبة لسؤالج والله حبيبتي أنا ما جربتها بالزيت ولا فكرت أبدلها أبدا لأن ميزة السمنة بالهذي الكيكة إنا تخلي الكيكة تنفش لأنك تضربينها بخلاط الكيك مع السكر فتصير مثل الكريمة وعلى فكرة لازم تكون السمنة جامدة وماتنفع سايحة

وعلشان جذي ما أنصحج تستبدلينها بالزيت

بس حبيبتي شوفي أنا جربت أنواع ثانية من الكيك تكون في المقادير الأساسية سمنة وأحط فيها زيت فإذا حبيتي جربين جربي وشوفي بنفسج يمكن تضبط معاج

مرحباااا منار


كيفك ان شاء لله بخير

اسمحيلي عندي سؤال وشو نوع السمنه يعني وش اسمهاا


في انتظارك حبيبتي:19: :19:

أهلين شوق

الحمد لله أنا بخير وشكرا على سؤالج

وبالنسبة للسمنة أنا أستعمل المراعي أو العلالي

واسئلي مثل ما تبين حبيبتي أسئلتج على قلبي مثل العسل وتفرحني وايد :20:

السلام عليكم..

الغاليه منار .. تسلميين على الرد ..
و يبتيها الصراحه .. يوم حددتي كاس جبن المراعي :18:

مشكووووووووور الغاليه..

عندي سؤال صغيرون .. مره كلت عند وحده كيكه .. و تحتها طبقه كستر .. ما ادري كريم كراميل..

طبعا ختج تستحي تسأل .. فما تعرفيين شو هاي..

و السموحه..

و ان شاء الله يوم بسويها .. بدعيلج من الخاطر :18: