مرحبا حبيبتي أميرة الوجدان الحمد لله انه الكيكة عيبتج

وبالنسبة لسؤالج عن ريحة البيض في الكيك

من تجاربي أقول لج إنه نوع البيض المستعمل يلعب دور فكلما كان البيض بلدي كانت الريحة أخف أقصد بيض الدجاج المتربي في البيت

أو بالنسبة لبيض السوق حاولي إنج ما تشترين البيض اللي إيي من الخارج يعني حاولي يكون وطني لأنه زفارته تكون أخف

وبعد انتبهي للتاريخ ترى كل ما طول البيض زادت ريحته

ومثل ما قلتي ممكن تزيدين كمية الفانيليا وتحطينها مباشرة على البيض أثناء الخفق وعلى فكرة الفانيليا السائلة تعطيج ريحة أقوى من البودرة

ومكن مثل ما قالت الإخت شمس الإمارات

وإنشاء الله أكون أفدتج

وعليكم السلام ورحمة الله وبركاته

تسلمين حبيبتي عطور على السؤال والتعزية

وألف هني وعافية عليج وعلى الأهل وصديقات الوالدة

والحمد لله إنه الكيكة بيضت ويهج وإنشاء الله دوم حبيبتي

وشكرا على الدعوة الحلوة

وبالنسبة لكيكة النسكافيه عندي طريقتين وحدة بصوص وثانية من دون صوص وإنشاء الله أكتبهم لج قريب بس اسمحيلي بعد كم يوم علشان امتحانات الأولاد

تسلمين اختي منار
وان شاء الله انا بنتظارج

مشكووووووره اختي مناره
على اهتماتج وردودج

والله مايوريج مكروه في عزيز

اختي منـ 2001 ـارة 1
عظم الله اجرج ..متأخرة ..بس توني اقرا موضوعج..
عندي سؤال لو تكرمتي..
ممكن كيكة البرتقال احطها بقوالب ا لكيك الصغيرة ..لأني جربت كذا طريقة وما نفشت كنت اترس القالب (مو للوسط بس ) وبعد ما تطفح (مثل كيكتج)..مع ان ال باكينج بودر جديد وكل شي تمام...افيديني افادكم الله