السلام عليكم
شخباركم
شفت كيكة الأناناس للغالية أم عزيزان الاسبوع اللي راح والحين لما دخلت شفت موضوع غير بعد فيه كيكة أناناس فقلت حشر مع الناس عيد وخلني أحط الكيكة اللي سويتها من دهر
وكنت ناوية أحطها من زماااان بس النت عندي يعل الجبد
المهم
الطريقة اخذتها من موقع أجنبي وطبقتها والطعم لذييييييييييييذ
وهذي المقادير والطريقة
التوبينغ:
كوب سكر بني
نصف كوب زبدة
شرائح أناناس
لعمل الكراميل نذوب الزيدة مع السكر على النار الى أن يغلي على خفيف ونحطه في صينية قابلة للفتح وما تلصق.
نصف شرائح الأناناس على الكراميل .
مقادير الكيك:
كوب ونصف طحين جميع الاستعمالات
6 ملاعق طحين كيك ( لأن ما كان متوفر عندي استبدلته بخمس ملاعق طحين عادي وزدت البيكينج باودر شوي)
6 ملاعق لوز (بيدان) مطحون
3/4 ملعقة شاي بيكنج باودر
1/2 ملعقة شاي ملح
كوب وثلاثة ارباع سكر
كوب زبدة في حرارة الغرفة
4 بيض
3/4 ملعقة شاي روح الفانيليا
3/4 كوب كريما حامضة
الطريقة:
نخلط الطحين واللوز المطحون والبيكنج باودر والملح.
في اناء ثاني نخلط الزبدة والسكر عدل. ثم نضيف البيض الواحدة تلو الأخرى مع مراعاة الخلط جيدا ثم نضيف الفانيلا.
نضيف المكونات الجافة اللي خلطناها قبل على دفعات ونضيف الكريما الحامضة ونخلط جيدا.
نحط الخليط على الاناناس وندخله الفرن لين ما يستوي.
نتركها تبرد عشر دقايق وعقب نقلبها. وتقدم دافئة او في درجة حرارة الغرفة . (ترى حتى باردة لذيذة)
الصور
اعتفست الكيكة شوي لاني ما خليتها تبرد عشر دقايق مو شايفة خير على طول قلبتها وهي حارة وأخذت لي قطعة أذوق فيعني غضوا النظر شوي :22:
و
شفت الصور الحين وصار خاطري فيها :)
وهذي لكل وحدة تدخل وترد :26:
مع السلامة