كيكة الايسكريم سوووووها وادعووووووولي

السلام عليكم
اليوم ياحلوين بنتعلم طريقه جديده الا وهي كيكة الايسكريم(بلا فلسفه)

انا مجربتها والله لذييييييييييييييييييييييذه

المقاااادير:

كيكة بيتي كروكر البنيه

الحشوه:

3 عدد ايسكريم فانيلا الحجم الصغير
1 علبة قشة بوك او نستله او اي قشطه
1 مغلف (كيس) دريم وب


الكريمه الخارجيه عباره عن:

3 حبات جالكسي ساده
1 او 2 ملعقة(على حسب الرغبه) بنات بتر الناعم مو الخشن
4/1 بياله حليب المراعي وممكن الاستغناء عنه

الطريقه:
اعملي الكيكه بالطريقه العاديه وثم صبيها في صينية الفرن المتحركه ( اللي تنفتح من تحت والمجوفه في الوسط ) اكيد عرفتوها
وبعدين حطيها في الفرن
اثناء ماهي تستوي انتي تقومين بعمل الحشوه والايسكريم ممكن يكون 2 ونص مو 3 كامله
المهم بعد ماتطلعين الكيكه وتبرد شوي اخذي سكينه وقصي الكيكه على شكل دائري بحيث انك ماتوصلين للحافه ولا للوسط يعني تكون مجوفه ولا توصلين للقاع مره ارجوا انكم فهمتوني
ثم حطي الحشوه اللي سويتيها ورجعي الكيك اللي شلتيه بشويش اضغطي بحيث انك تخبين الحشوه داخل الكيك بس انتي انتبهي لا ترققين حواف الكيك مرررره
ثم ضعيها في الفريز مدة تقريبا نصف ساعه او الى ان تحسين انها جمدت شوي يعني لما تقلبينها ماراح تتفكك عليك
بعدها طلعيها من الفريز وتكونين انتي مجهزه الكريمه اللي هي الجالكسي المذوب في حمام مائي والمضاف له البنات بتر وقليل مره حليب يعني ربع بياله0الغرض من الحليب انك تكونين خلطة كريمه مو جامده مره ولا سائله مره
طبعا بعد ماتقلبين الكيك تغطينها بهاذي الخلطه وتحطينها في الفريز الا ماتجمد عدل يعني تقريبا اربع ساعات او اكثر وكل ماتتم اكثر في الفريز كل ماصارت الذ انا اسويها في الليل عشان طول الليل تصير في الفريز

لو عندي كاميرا كان صورتها لكم
جربوها ماراح تندموووون لذيييييييذه مرررررره

واي سؤؤؤؤؤؤؤؤؤؤؤال بينـــــــــــــــار في الخدمه

والف عافيه