السلام عليكم ورحمة الله وبركاته .. اسعد الله مسائكم مشرفت وعضوات :26: ..
اليوم ان شاء الله راح اقدم لكم (كيكة البرتقال) من ايديني .. واتمنى تعجبكم وتجربوها
المقادير :
3 كوب دقيق كويتي
5 بيضات
2 ملعقه كبيرة بيكنج باودر
بشر 3 برتقالات
2 كوب حليب سايل
4 ملاعق كبار عصير برتقال
كوب زيت
كوب وثلاث ارباع سكر بودره منخول .
الطريقه :
طبعا نشغل الفرن على 150 درجه قبل مانبتدي نسوي اي شي .
1/ يوضع البيض وعليه بشر البرتقال ، ثم الزيت وبعدين الحليب وبعدين السكر ، وبعدين ملاعق عصر البرتقال في الخلاط الكاس ونخلطهم .
2/ في هذه الاثناء والخلاط شغال ناخذ زبديه ونحط فيها الدقيق وفوقه البيكنج باودر ونخلطهم سوا بالنلعقه عشان يمتزج الدقيق بالبيكنج باودر .
3/ نضيف اللي بالخلاط فوق الدقيق بالتدريج ونرحك بمضرب البيض او بخلاط الكيك الكهرب بشويش على جهه وحده لحد مايمتزج تماما ونحرك لمدة دقيقه او بالكثير دقيقتين .
4/ ناخذ صينية الكيك وندهنها بالزيت ونرشها بالدقيق ونسكب خليط الكيك فيها وندخلها لافرن على طول على شبك الفرن وخلي الشبك على اقرب درجه من تحت ، واتركيه لمدة نص ساعه تقريبا على 150 درجه من تحت ، ونفس الشي من فوق 150 درجه عشان تتحمر بالتساوي .
5/ نصب الشيره عليها بعد ماتبرد ونقدمها وبعالفيه عليكم .
شيرة البرتقال :
كوب عصير برتقال
كوب سكر
4 ملاعق مربى مشمش
1 ملعقه كبيرة نشا
ويخلط سوا بالخلاط ثم نحطهم على النار وأول ماتغلي تحسبيلها خمس دقايق بعد الغلي وتطفي عليه وتستخدميه .
ماشاء الله لاقوة الا بالله
ما شاء الله شغل مرتب الله يعطيك العافيه