اسعد الله اوقاتكم يا عزيزاتي الحوائيات الحلوات
حبيت اليوم انزل لكم كيكة البرتقال اللذيذه والسهله جدااا
وان شاء الله تضبط معاكم وما يبي لها مجهود او احترافيه وهذي اهم ميزه فيها ..
اول شيئ نبدا
ندهن القالب بالسمن النباتي او الزبده ونبطنه بالطحين <<<وهالشيئ مهم حتى لو صينيتك ما تلصق عشان يتوزع معاك اللون على الكيكه نفس اللون وسهل برضوا انها تنزل بسرعه من الصينيه
الافضل استخدام قالب له تجويفات
والخطوه الثانيه
نستخدم للمعايير نفس الكوب سواء كانت المقادير جافه او سائله
ونبدأ بسم الله
اولا في وعاء نخلط 2 كوب من الطحين +ملعقه طعام بيكنج باودر +رشة ملح
نحركها بشوكه لحد ما تنمزج المقادير
ونجيب كاس الخلاط ونبدأ نجمع مقادير الكيكه كلها على بعض <<<فديتني احب السرعه والسهوله ..
وهي كالتالي
كاس سكر
كاس زيت
ملعقتين حليب مجفف
3 حبات بيض
فانيلا سائله
ملعقة خل ابيض
ظرف كريم كراميل >>يعطيها اللون ونكهه لذيذه
وقشر برتقاله كامله قشريها بقشاره البطاطس
وبرتقالتين ابو صره مقشره بدون بذور
واجمعي المقادير على بعض وشغلي الخلاط
ثم روحي سخني الفرن على حرارة 180 في الرف الوسط
لو فرنك كهربائي
اختاري خاصيه فوق تحت مع مروحه
وارجع للخليط بعد
3 دقايق لحد تنمزج المقادير مضبوووط
وصبيه على الطحين وحركيه بالملعقه الخشب او الاسبتولا لحد ما ينمزج الخليط ويصير سلس
اهم شيئ لا تطولين وانتي تخلطينه
واستخدمي اليد ماله داعي الخلاط
وصبيه في الصينيه
ودخليه للفرن مدة 35 دقيقه الى 40 دقيقه حسب فرنك
وبسس
طبعا انا كيكتي لسى ما طلعت من الفرن
بس هذي قطعه من الكيكه اللي سويتها قبل
وبالعافيه
اتمنى تجربوها وتعجبكم
وصل اللهم وسلم على رسولنا محمد وعلى اله وصحبه اجمعين
سبحان الله وبحمده
سبحان الله العظيم
