بعد تشجيعكم لى فى موضوعى الاول قررت اعملكم كيكتين أسهل من بعض وروعة فى الطعم والشكل
هنبداء بكيكة البسكويت بس مش اى كيكة بسكويت دي كيكة البسكويت بالجيلى.
نبداء على بركة الله.
المقادير:
3 باكو بسكويت أولكر أو اى نوع سادة ( بسكويت شاى) - كوب كريم شانتية سايب ( او 2 كيس دريم ويب) - علبة كريم كراميل - كوب لبن - 1/2 كوب ماء - علبة جيلى - 2 معلقة قشطة أو جبنة كيرى ( وممكن الاستغناء عنهم)
انا استعملت جبنة كيرى سايب
نضع الكريم شانتيه والماء واللبن وبودرة الكريم كراميل وملعقتين القشطة ونخفقهم مع بعض فى الخلاط او المضرب الى ان يصبحوا كالشكل التالى...
ندهن طبقة خفيفة فى فاع البيركس او الصينية المستخدمة والخطوة دى مهمة جدا حتى لا يلتصق البسكويت فى القاع ونبداء فى رص الطبقات كما كالصور الاتية..
وكده نكون وصلنا لاخر طبقة نضعها فى الثلاجة لمدة ساعتين او ثلاثة
وبعد كده نبداء نحضر الجيلى كما هو مكتوب على علبة الجيلى نفسها والصور توضح
ونسيبة يبرد خالص بره الثلاجة وبعد اما يبرد خاااااااالص هنطلع كيكة البسكويت من الثلاجة ونصب الجيلى بالراحة خالص عليها هو هيكون سايل
وندخلها الثلاجة لحد اما الجيلى يجمد ودا شكلها بعد ما خرجت من الثلاجة
ودا شكلها بعد التقطيع
وبالهناء والشفا
نبداء فى الكيكة الثانية ( كيكة الكاستر )
بمقادير العضوه الغالية أمولة
المقاديـــــر:
3 بيضات - فانيليا - كوب سكر - 1/2 كوب زيت - 1/2 كوب لبن رايب أو لبن عادى - 2 معلقة كبيرة بودرة الكاستر - كوب ونصف دقيق ينقص معلقتين كبار - معلقة كبيرة بكينج بودر أو كيس
طريقة التحضير
نخفق البيض ونضيف له السكر على دفعات ثم نضيف الزيت وحدة وحدة ثم نضيف اللبن وحدة وحدة ثم بالمضرب اليدوى نضيف الدقيق المنخول مرتين مع بودرة الكاستر والبكيج بودر ونضيف الدقيق شويه شويه مع التقليب بالمضرب اليدوى من فوق لاسفل بخفه حتى ينتهى مقدار الدقيق ونصب الخليط فى الصنيه المبطنه بالدقيق وندخلها الفرن اللى احنا مشغلينه على 180 قبل البدء فى عمل الكيك حتى تنضج كما بالشكل السابق...العضوه الغالية أمولة عملت كاستر بالشيكولاته وصبته على الكيك من فوق لكن انا خلتها سادة .. وبالهنا والشفا
وأوعوا تنسوا التقييم والردود يا أجمل فتوكات