كيكة البف باستري ولا في الخيال ( اهديها للحلوات الي ردو علي )

اهلين حبايبي
هذي كيكه لذيذه مرررررره مرررررررره اهديها للغاليات الي ردوا علي وعبروني :32:
في اول موضوع كتبته
( سنبوسه نااااااااار بس تأكلين ايدك معاها )

خلاص خلاص ولا يزعل احد اهديها لكل اخواتي الحلوات في هالمنتدى:02::02:

آسفة على الإطاله والكلام الي ماله داعي:30:

كيكه البف باستري اللذيذه:23:

المقادير :
1 ___ كرتون من خليط كيك العلالي اوبيتي كروكر

2___ 2 أظرف دريم ويب
2 علبه قشطه
علبة جبن فيلادلفيا
بياله حليب سايل بارد ( وقد تحتاجين للزياده قليلا )
2 بياله سكر بودره

3___ علبة فواكه مشكله والأفضل علبة اناناس فقط

4___ باكيت من عجينة البف باستري

5___ نصف كأس سكر + نصف علبة قشطه

الطريقة بسم الله
1- نسوي الكيكه عادي مثل ماهو مكتوب عليها ونضع هالخلطه في صينيه متوسطه ( واللي ماتقدر تضبط شق الكيكه من الوسط بعد ماتستوي تحط الخليط في صينيتين صغار بس تكون بنفس الحجم )
2- نخلط مقادير رقم اثنين مع بعض بالخلاط اليدوي بحيث تكون خلطه سميكة نوعا ما ونضعها في الثلاجة.
3- نجيب شريحة من البف باستري ونقطعها بالنصف على شكل مثلث ثم المثلث مثلثين ثم المثلثين اربع مثلثات يعني في النهايه يطلع لك في كل شريحه 16 مثلث وكملي على هذي الطريقه باقي البف باستري وادخليها للفرن حتى تشقر من الأسفل والأعلى
4- إذا استوت الكيكة خليها تبرد مررره والأفضل انك تسوينها قبل بيوم ثم شقيها من الوسط
وجيبي الطبقة السفليه وحطيها في طبق التقديم ثم شربيها بنصف مويه الأناناس وجيبي خلطة الدريم ويب وحطي طبقة وإذا بغيتي حطي قطع من الأناناس ثم جيبي الطبقه الثانيه من الكيكه وحطيها فوق الثانيه وشربيها بالباقي من ماء الأناناس
5- غطي الكيكه بباقي الدريم ويب من جميع الجهات ومن الجوانب
6- جيبي البف باستري وصفي هالمثلثات بحيث تكون على الجوانب على شكل حلقه ثم حلقه ثانيه تكون طبعا اصغر ثم حلقه ثالثه وهكذا على كبر حجم الكيكة بحيث يمتلئ وجه الكيكه كله
7- الباقي من البف باستري فتتيه صغير مره وانثري قليل على الوجه وغطي جميع الجوانب مره بهذا الفتات
8- حطي على النار النصف كاس سكر ونقطي عليه شوي ماء وإذا بدء يطبخ يعني بدون مايتغير لونه حطي عليه القشطه وحركيه بقوه
9- خليه يبرد شوي ثم صبي منه على وجه الكيكه بين حلقات البف باستري ونقطي منه على الجوانب
ثم دخليها الثلاجه وخليها تبرد

وبهذا تكون الكيكه قد انتهت وبالهناء والعافيه :21::21:

انا عارفه ان طريقتها طويله بس تراها سهلة مرره وشكلها اروع من الروعه

يالله سووها وقولوا لي وش صارت معاكم إن شاء الله تضبط

والله يعافيكم يابنات تراي تعبت وانا اكتب يعنييييييييييييييييييييييييييييييييييييييييييييي
يعنيييييييييييييييييييييييييييييييييييييييييييييييييييييييييييييييييييييييييييييييييييييييييييييييييي
ابغى مدح وكلام حلوووووووو زيكم :11::11:

واتمنى اني اعرف اطلع صورتها بس اعذروني ماأعرف إلا اكتب والسلام