كنت اسويها من 2003 وما بديت اصور الا من 2005
عاد سويتها في 2005 وصورتها وتوني لقيت الصور بس مازالت لذيذة
ذكرتني بايام حلوة
كنت مقطعة الروتي ومسوية منه كنابيه واحتفظت بالزايد عشان اسوي منه كيكة
خليت الروتي يومين وغطيته بجريد حتى يصير يابس وبعدين اطحنه
بعد ما طحنته حطيته مع المقادير
الحين صار عندي تقريبا
كوب بقسماط
وكوب فستق مطون
وكوب سكر
ملعقة بيكنغ باودر
ثلاث ارباع كوب زيت
4 بيضات
فانيليا
نخلط الروتي المطحون مع الفستق والبيكنغ باودر
واخليها على جنب
اخلط البيض مع السكر والزيت
اصب خليط البيض في ملة
واضيف عليه الخلطة الاولى شوي شوي مع التحريك
لين تخلص الكمية
وبعدين اصبه في قالب الكيك المدهون
وادخلها الفرن
اول شي من تحت حتى تنضج واخر شي من فوق
اكون مجهزة التوفو في الاثناء
وهو عبارة عن ربع كوب سكر + علبة قشطة + ملعقة زبدة
اذوب السكر على النار حتى يصبح لونه ذهبي
واضيف عليه القشطة والزبدة مع التحريك المستمر
ارفعه من على النار واستمر في التحريك واذا برد شوي
امسح على الكيكة
انثر عليها فستق مطحون
الطعم لذيذ ما يتفوت
جربوها بتعجبكم ان شالله:)