كيكة البيبسي

عندي لكم اليوم كيكه جربتها وطلعت ماشاالله جناااااان وحبيت أفيدكم فيها هي كيكية بيبسي ومقاديرها سهله وتتوفر في كل بيت ومن مميزاتها سرعة نضجها عكس بقية الكيكات وإذا جربتوها راح تدعون لي أكيد..


المقادير..
كوب وربع دقيق
ثلاث أرباع كوب جوز هند
بيضتين
ملعقتين حليب بودره
نصف كوب سكر
فنجال شاهي زيت
ملعقتين صغيره بيكنج بودر
كوب بيبسي أو أكثر حسب الحاجه
شيره
الطريقه..
نخلط جميع المقادير مع بعض ونسكب فوقها البيبسي وتحرك حتى تتمازج ثم تدخل فرن ساخن نوعاً ما وبعدها نقلل في درجة الحراره من أجل أن تنضج الكيكه على مهلها للمعلوميه الكيكه من مميزاتها إنها ماتاخذ فتره بالفرن زي بقية الكيك ومع كذا يطلع طعمها ماشاالله روعه..

وبعد خروجها من الفرن نقوم بسكب الشيره عليها وتكون الكيكه ساخنه والشيره بارده وبالعافيه على قلوبكم حبيباتي..