في العاده بتبقى كيكة التفاح شكلها مختلف عن دي بس بس انا حبيت ابتكر طريقه جديده ومختلفه وطعمها احلى وسميتها بلوريه عشان التفاح اللي هنزين بيه الكيكه شفاف زي الزجاج البلور
مكونات الكيكه :
2 كوب دقيق
2 ملعقه صغيره بيكنج بودر
كوب سكر
كوب زبده سايحه
نصف كوب حليب
4 بيضات
فانيليا
2 تفاحه مقطعه مكعبات
مكونات التزيين :
5 تفاحات مقطعين مكعبات
كوب ونصف سكر
ربع كوب ماء
عصير نصف ليمونه
الطريقه :
في اناء هنحط السكر والزبده مع بعض
ونخفقهم ونضيفلهم البيض والفانيليا
ونخفقهم ونضيفلهم الحليب
ونخفقهم ونضيفلهم الدقيق والبيكنج بودر
ونخفقهم كويس لغاية مايمتزجوا مع بقية المكونات واخر حاجه نضيفلهم التفاح المتقطع
ونقلبهم بالاسباتيول ونحط خليط الكيك في صينيه
وندخلها الفرن ونبدأ نعمل التفاح اللي هنزين بيه في اناء هنحط كل المكونات مع بعض
ونشغل عليهم نار هاديه مع التقليب لغاية ماتنشف الميه والتفاح ياخد الشكل الشفاف
ونطلع الكيكه من الفرن
ولما تبرد نزينها بالتفاح وده شكلها النهائي
جربوها وان شاء الله هتعجبكم
كيك ولا أطيب
يعطيكِ العافية
والله يسلم هالإيدين ويحرمهم من النار