كيكة التمر بالتوفي لذيذه ومغذيه

هلا وغلا بالجميع :)
شفت كذا طريقه هنا لكيكة التمر واتمنى هذي تعجبكم لانها بالفعل لذيذه وناجحه معي

المقادير والطريقه
كاس تمر منزوع النوى+كاس ماء مغلي يخلط مع بعض ويترك حتى يبرد؛؛انا دائما اقيس بكاس الجبن كرافت او المراعي الكبير

1-يخلط ثلث كاس سمن كريسكو او قودي اللي يجي لونه ابيض+كاس سكر حتى يصبح مثل الكريمه ثم نضيف له بيضه واحدهونخلطه جيداثم يضاف له التمر المهروس واذا حبيتي التمر ما يبان اخلطيه مع الماء في خلاط الطماطم قبل ما تضيفيه للسمن وانا جربت اخلطه وجربت بدون خلط كلهم حلوين

2-ينخل كاس ونصف دقيق مع ملعقتين شاي بكينج باودر وملعقة شاي بيكربونات الصودا ونضيف له نصف كاس جوز الهند وقليل من الهيل(اختياري)

يضاف الخليط (1) مع الخليط(2) ويخلط جيدا ثم يصب في صينية متحركه اسهل لك في اخراج الكيكه لانها قوام الكيكه بيكون اثقل من قوام الكيك العادي وتدخل الفرن
بعد ان تنضج تترك حتى تبرد ثم يضاف لها التوفي وتزين حسب الرغبه زتدخل الثلاجه حتى تبرد

التوفي
كاس سكر اسمر وهو الذ بكثير من السكر العادي +ربع اصبع زبده+علبة قشطه
نسويها عادي مثل التوفي البسيط

ويارب تعجبكم وعليكم بالف عااااااااافيه :39: