هالكيكه انا وااااااااااااااااااااااااااااا اايد احبها .. لانه فيها تمتزج ريحة الزبده بالتمر .. روعة الصراحه .. اول مره كليتها كنت عند ربيعتي .. وهي اللي علمتني الكيكه هاي وعرفت بعدها انه الوصفه موجوده على موقع نستله .. بس انا حطيت اشوية اضافات ..
المقادير
زبده 150 غ
بيض 3 حبات
طحين 210 غ
تمر منزوع النوى او معجون بس انا انصح بالتمر العادي مب المعجون طعمه احلى 200 غ
حليب مكثف محلى علبه وحده
بكينغ باودر ..
والاضافات اللي حطيتها هيل بودره او سائل .. ومكسرات جوز او لوز او كاجو .
طبعا بتشوفين كل شي بالغرام .. عادي مب مشكله اذا عندج الكوب القياسي حطي كوب الا ربع طحين و نص كوب تقريبا تمر والزبده اصبع ونص
بالاول اضربي البيض كل ما ضربتيه يكون احسن بالخلاطه مالة الكيك مب خلاطة الكاس ..
وبعدين ضيفي الزبده والحليب المركز وتمي اخلطي واخلطي واخلطي ..:06:
اوكي .. وبعدين انخلي الطحين وضيفيه على خليط البيض والبكينغ باودر ملعقه صغيره مليانه .. وبعدها التمر ... واذا شفتي انه صعبه تنخلط بالمضرب اخلطيه بالشوكه .. او بايدج لين ما تحسين ان لونه اشوية اتغيرت ..
وحطي كمية من المكسرات على حسب ذوقج .. انا حطيت بس جوز او عين جمل .. ويادوب بس كسرته يعني ما فرمته .. عشان اتكون واضحه في الكيكه .. ولاتنسين الهيل لو تحبين
وادهني البايركس او التيفال بالزبده .. وسخني الفرن .. وحطيه بالفرن على نار هاديه لين ما تسوتي ..
وعلشان الكيكه بتكون اشوية غليظه . الاحسن اتصبينه في صينيه اشويه كبيره .. عشان تستوي على راحتها ..
وهني شوفو ان المكسرات في الكيكه واضحه
ومع حليب ساخن او شاي ساخن او كوفي بس طبعا من غير سكر
وبالهنا والشفا
تسلميييييييييين